پوتین، پزشکیان ایله سوریهدکی وضعیتی دَگرلندیریب
روسیه جمهور باشقانلیغی ساراییندان (کرئملین) وئریلن آچیقلامادا، پوتین و پزشکیانین ایران طرفینین طلبی ایله تلئفونلا دانیشدیغی بیلدیریلیب
روسیه پرئزیدئنتی ولادیمیر پوتین و ایران پرئزیدئنتی مسعود پزشکیان سوریهدکی پروسهسلری دَگرلندیریب.
روسیه جمهور باشقانلیغی ساراییندان (کرئملین) وئریلن آچیقلامادا، پوتین و پزشکیانین ایران طرفینین طلبی ایله تلئفونلا دانیشدیغی بیلدیریلیب.
آچیقلامادا گؤروش زامانی سوریهدکی گرگینلیگین موذاکیره ائدیلدیگی، سون حادیثهلرین سوریه دؤولتینین اگمنلیغینه، سیاسی، سوسیال و اقتیصادی ثابیتلیگینه ضربه وورماق مقصدی داشیدیغی بیلدیریلیب.
آچیقلامادا، "سوریهنین قانونی رهبرلیگینین اؤلکهده آنایاسال قورولوشونون و اراضی بوتوولویونون برپاسی ایستقیامتینده حرکتلرینه قید-شرطسیز دستهک وئریلیب و آستانا فورماتی چرچیوهسینده تشبوصلرین کووردیناسیونونون واجیبلیگی وورغولانیب" دئییلیب.
بیلدیریلیب کی، گؤروشده روسیه و ایران آراسیندا موختلیف ساحهلرده علاقهلر موذاکیره اولونوب، اکتبرون ۲۳-ده ایکی لیدئرین الده ائتدیگی راضیلاشمالارین ایجراسی موذاکیره ائدیلیب.
آچیقلامادا پوتین و پزشکیانین تماسلاری داوام ائتدیرمک پلانی ایله باغلی راضیلیغا گلدیگی بیلدیریلیب.
ایلگیلیلی خبرلر
ایراندا ایکی عالی محکمه حاکیمی رازینی و مقیسه سیلاحلی هوجوم نتیجهسینده اؤلدورولدولر
حادیثهدن سونرا تجاووزکارین اؤزونه آتش آچاراق اینتیحار ائتدییی بیلدیریلیب
