آوروپا بیرلیگی رسمیسی گورجوستانداکی نوماییشچیلره دستک وئریب
کاجا کالاس گورجوستانین باش ناظیری ایراکلی کوباخیدزهنین عضولوک دانیشیقلارینی 2028-جی ایله قدر دایاندیرماق قرارینی تنقید ائدن نوماییشچیلره دستک وئریب.
آوروپا بیرلیگینین یئنی خاریجی علاقهلر و تهلوکهسیزلیک سیاستی اوزره عالی نومایندهسی کاجا کالاس گورجوستانین باش ناظیری ایراکلی کوباخیدزهنین عضولوک دانیشیقلارینی 2028-جی ایله قدر دایاندیرماق قرارینی تنقید ائدن نوماییشچیلره دستک وئریب. او، سوسیال مئدیا پلتفرمو "ایکس"ده گورجوستاندا آوروپا بیرلیگینه عضولوک دانیشیقلارینین دایاندیریلماسی قرارینا قارشی کئچیریلن اعتراضلارلا باغلی پایلاشیم ائدیب. آوروپا بیرلیگینین گورجوستان خالقی ایله هم رای اولدوغونو وورغولایان کالاس، بئله دئییب: "گورجوستان خالقینین و اونلارین آوروپا گلهجگی اوچون ائتدیکلری سئچیمین یانینداییق. اعتیراضچیلارا قارشی زوراکیلیغی پیسلییر و حاکم پارتیانین گورجوستانین آوروپا بیرلیگی یولوندا ایرهلیلمهمهسی، اؤلکهنین دموکراتیک باخیمدان گئریلمهسی ایله باغلی وئردیگی قرارلاردان مایوسلوق حیسی کئچیریریک."
کاجا کالاس گورجوستان حکومتینین بو آددیمینین آوروپا بیرلیگی اوچون بیرباشا نتیجهلره سبب اولاجاغی بارهده خبردارلیق ائدیب.
باش ناظیر ایراکلی کوباخیدزه ایسه 28 نوامبردا وئردیگی آچیقلامادا بعضی آوروپا سیاستچیلرینین گورجوستانین داخیلی ایشلرینه قاریشدیغینی و آوروپا بیرلیگینین مالیهسی ایله تضییق گؤستردیگینی بیلدیریب. او، "بوتون بونلاری نظره آلاراق آوروپا بیرلیگی ایله دانیشیقلارین باشلانماسی مسئلهسینی 2028-جی ایلین سونونا قدر گوندمه گتیرمهمک قراری وئردیک" ایفادهلرینی ایشلدیب.
ایلگیلیلی خبرلر
غزه اوردونون غرب ساحیلیندهکی حادثهلر
غزهده آتشکسین قوهیه مینمهسی ایله بؤلگهدهکی داغینتیلار اوزه چیخیر.
فیلیسطینلی قاچقینلار دوشرگهسینده حیاتا کئچیریلن هوجومدا ۱ فیلیسطینلی اؤلوب، ۴ نفر یارالانیب
ایسرائیل مطبوعاتینا دانیشان حربی منبع بیلدیریب کی، هوجوملارین بیر نئچه گون داوام ائدجهیی گؤزلنیلیر
