آتیشکسی پوزان ایسراییل اوردوسوندان نؤوبتی هوجوملار
ایسراییل اوردوسو، لبنانین جنوبوندا آتیشکسدن سونرا ائولرینه قاییتماغا چالیشان ساکینلری هدف آلاراق، اونلارین بؤلگهیه گیریشینی "قاداغان" اعلان ائدیب.
ایسراییل اوردوسو، لبنان ایله آتیشکس راضیلاشماسینین قوهیه مینمهسیندن سونرا ائولرینه قاییتماق ایستهین جنوب لبنان ساکینلرینی یئنیدن هدف آلیب.
ایسراییل اوردوسونون سؤزچوسو آویچای آدرایی سوسیال مئدیا حسابیندا پایلاشیم ائدهرک، لبنان لیلارین جنوبا سیاحتینین "قاداغان" اولدوغونو بیلدیریب.
آویچای آدرایی، 60-دان چوخ کند و قصبهنین آدینی سادالایاراق، لبنان لیلاری بو بؤلگهلره قاییتماماغا چاغیریب. "حال-حاضیردا، نؤوبتی بیلدیریشه قدر بو خط دن جنوبدا یئرلشن ائولرینیزه قاییتماغینیز قاداغاندیر،" دئیه قئید ائدیب.
دیگر طرفدن، ایسراییل اوردوسونون لبنان ایله الده اولونان آتیشکس راضیلاشماسینی پوزان عملیاتلاری داوام ائدیر.
سون اولاراق، ایسراییل اوردوسو لبنانین جنوبوندا یئرلشن ناکورا قصبهسیندهکی ائولری توپچو آتیشی ایله هدف آلیب، همچنین ائولری اتوماتیک سلاحلارلا آتیشا توتوب.
27 نوامبردان اعتباراً قوهیه مینن آتیشکس راضیلاشماسیندان سونرا ایسراییل اوردوسونون ایکی نفرین اؤلومو و آلتی نفرین یارالانماسی ایله نتیجهلنن هوجوملارینین سایی ان آزی 73-ا چاتیب.
ایسراییل اوردوسو، ائولرین پارتلادیلماسی، توپچو آتیشی، ساواش اوچاقلاری و اینسانسیز هاوا آراج لاری (ایها) ایله حیاتا کئچیریلن هاوا هوجوملاری داخیل اولماقلا چوخ سایلی پوزونتولار تؤردیب.
