ایسراییل فیلیسطینلی قاچقینلارین سیغیندیغی یئرلری هدفه آلیب
ایسراییل اوردوسونون غزه زولاغینین قوزئییندهکی جبالیا قاچقینلار دوشرگهسینده بیر ائوی هدف آلدیغی هوجومدا 40-دان چوخ فیلیسطینلی حیاتینی ایتیریب.
ایسراییل اوردوسونون غزه زولاغینین قوزئییندهکی جبالیا قاچقینلار دوشرگهسینده بیر ائوی هدف آلدیغی هوجومدا 40-دان چوخ فیلیسطینلی حیاتینی ایتیریب.
ایسراییلین شدتلی هوجوملاری هفتهلردیر داوام ائدیر. جبالیادا یئریندن ائدیلمیش اینسانلارین سیغیندیغی بیر مکتب ده اینسانسیز هاوا آراجی ایله هدف آلینیب. هوجومدا 3 فیلیسطینلی حیاتینی ایتیریب، 3 نفر ایسه یارالانیب.
نصر محلهسینده و نصیرات قاچقینلار دوشرگهسینین شیمالیندا بیر ائوه ائدیلن هاوا هوجوملاریندا ایسه 8 فیلیسطینلی اؤلدورولوب، 20 نفر خسارت آلیب.
عینی زاماندا غزه زولاغینین جنوبوندا یئرلشن خان یونیس ده هدفه آلینیب. خان یونیسده حرکتده اولان بیر نقلیات واسیطهسی بومبالانیب. یاردیم ماتئریاللاری آلماق اوچون توپلاشان فیلیسطینلیلره هوجوم زامانی 12 فیلیسطینلی قتله یئتیریلیب.
غزهیه ارزاق یاردیمی تامین ائدن امریکا مرکزلی قلوبال مطبخ تشکیلاتیندا چالیشان 3 نفرین ده داخیل اولدوغو 5 فیلیسطینلی حیاتینی ایتیریب. تشکیلات هوجومدان سونرا بوراداکی فعالیتینی دایاندیریب.
قئید ائدک کی، ایسراییلین غزه زولاغیندا قتله یئتیردیگی ژورنالیستلرین سایی دا 191-ا چاتیب. غزه شهریندهکی هوجومدا القصی کانالینین موخبیری ممدوح کانیت حیاتینی ایتیریب.
