سوریه‌ده رژیم علیهداری قروپ‌لار اؤلکه داخیلینده ایره‌لیلمه‌لرینی داوام ائتدیریر

سوریه‌ده بشار اسد رژیمینه قارشی سلاحلی قروپ‌لار حلب و ادلیب ویلایت‌لریندن سونرا حماه ویلایتینه یاخینلاشیب.

اسد قوه‌لری ایله دؤرد گون‌دور دؤیوشن رژیم علیهداری قروپ‌لار اؤلکه داخیلینده ایره‌لیلمه‌لرینی داوام ائتدیریر.

حلب شهر مرکزی‌نین بؤیوک حیسه‌سینی و ادلیب ویلایتی‌نین تامامینی رژیم قوه‌لریندن گئری آلان سلاحلی قوه‌لر ادلیبین جنوبوندا یئرلشن حماه ویلایتینه دوغرو ایرلیلییر.

ادلیب‌ین خان شیخون منطقه‌سینی اله کئچیردیک‌دن سونرا ایره‌لیله‌یه‌رک حماه‌نین شیمالیندا یئرلشن الامام، کفرزیته، کفرنبوده، هیلفیه، کالتمادیک، لاتامین، سوران، کرنز، مردس، حماییت و ترمل یاشاییش منطقه‌لرینی ده نظارته گؤتورولوب.

رژیم علیهدارلاری حماه‌نین ان مهم منطقه لریندن بیری اولان موریک بولگه سینی ده نظارته آلیب.

زینل العابدین داغینی دا اله کئچیرن سلاح‌لی قروپ‌لار حماه‌نین شهر مرکزینه یاخینلاشیر.