ایران‌دا هاوا کیرلیلیگی سببین‌دن هر ایل تخمینا ۴۰ مین اینسان اؤلور

ایران‌دا هاوا کیرلیلیگی سببین‌دن هر ایل تخمینا ۴۰ مین اینسان اؤلور.

ایرانین یاری رسمی تسنیم خبر آژانسی‌نین وئردیگی معلوماتا گؤره، ساغلیق ناظیری محمد رضا ظفرکندی قاتیلدیغی پروقرامدان سونرا اؤلکه‌ده هاوانین چیرکلنمه‌سی ایله باغلی معلومات وئریب.

ظفرکندی دئدی: آمارلارا گؤره، هر ایل ۴۰ مینه یاخین اینسان هاوانین چیرکلنمه‌سی سببین‌دن اؤلور. هاوانین کیرلنمه‌سی اؤلکه‌یه تخمینا ۱۲ میلیارد دولارا باشا گلیر. بو وضعیت گؤستریر کی، بیز بو پروبلئمی حل ائتملی‌ییک. 

ایرانلی ناظیر بَیان ائدیب کی، هاوانین کیرلنمه‌سی‌ خۆصوصیله اوشاقلاردا آسم و آغ‌جیگر خسته‌لیکلرینه سبب اولور.

ظفرکندی سؤزوگئدن معلوماتلارین بیرباشا و یا دولایی اؤلوملری گؤسترمه‌سی ایله باغلی جزئیاتی آچیقلاماییب.