نئتانیاهو غزه‌یه هوجوملاری تامامیله دایاندیراجاق راضیلاشمانی قبول ائتمه‌ییر
غزه‌یه هوجوملاری سونا چاتدیراجاق راضیلاشمانی قبول ائتمه‌یه‌جه‌یینی وورغولایان نئتانیاهو، هوجوملاری یالنیز آرا وئره‌بیلجکلرینی سؤیله‌دی
ایسرائیلین باش ناظیری بئنیامین نئتانیاهو غزه‌یه هوجوملاری تامامیله دایاندیراجاق راضیلاشمانی قبول ائتمه‌یه‌جه‌یینی بَیان ائدیب.
ایسرائیل‌ده یاییملانان کانال ۱۴-ا دانیشان باش ناظیر نئتانیاهو، لبنان‌دا آمریکا و فرانسه‌نین واسیطه‌چیلیگی ایله الده ائدیلن آتیش‌کس و ۷ اکتبر ۲۰۲۳-جو ایلدن بری هوجوملار حیاتا گئچیردیکلری غزه‌ده مومکون اسیر موبادیله‌سی و آتیش‌کس راضیلاشماسیندان دانیشیب.
غزه‌یه هوجوملاری سونا چاتدیراجاق راضیلاشمانی قبول ائتمه‌یه‌جه‌یینی وورغولایان نئتانیاهو، هوجوملاری یالنیز آرا وئره‌بیلجکلرینی سؤیله‌دی.
"محکوملارین آزاد ائدیلمه‌سینی تامین ائده‌بیله‌جه‌ییمیزی دوشوندویوموز زامان غزه‌ده آتیش‌کسه حاضیرام" دئین نئتانیاهو، حماس ایله محبوس موبادیله‌سی راضیلاشماسینین شرطلرینین یاخشیلاشدیغینی ادیعا ائدیب.
لبنان‌داکی شرطلرین غزه‌ده اولانلاردان فرقلی اولدوغونو ادیعا ائدن بئنیامین نئتانیاهو، حماس-ی «یوخ ائتمه‌یه» چالیشدیقلارینی، لاکین حزب‌الله-ین یئنیدن سیلاحلانماسینین قارشیسینی آلدیقلارینی ادیعا ائتدی.
لبنان‌دا آتیش‌کسین "قیسامددتلی اولابیله‌جه‌یینی" ادیعا ائدن نئتانیاهو، حزب‌الله-ین آتیش‌کسی پوزاجاغی تقدیرده ایسرائیل اوردوسونا "شیدتلی" هوجوملارا حاضیرلاشماغی تاپشیردیغینی بیلدیریب.
آمریکادان اؤلکه‌سینه سیلاح گؤندریلمه‌سی مسئله‌سینه توخونان ایسرائیل باش ناظیری، آمریکانین سئچیلمیش پرئزیدئنتی دونالد ترامپ‌ین اونا گئجیکملرین سونا چاتاجاغینی دئدیگینی آچیقلاییب.
نئتانیاهو "پرئزیدئنت ترامپ منه دئدی کی، هئچ بیر سیلاحدا (داشیمالاردا) هئچ بیر گئجیکمه اولمایاجاق" دئدی.
