نجیب میقاتیدن ایسرائیل هوجومو ایله باغلی آچیقلاما
نجیب میقاتی، ایسرائیلین، لبنانین جنوبوندا اوردویا عاید بیر مؤوضعی هدف آلدیغی هوجوما باغلی یازیلی شرح وئردی

لبنان باش ناظیری نجیب میقاتی، ایسرائیلین لبنان عسگرلرینی هدف آلماسینین آتیشکسه ایستیقامتلی بوتون سعیلری رد ائتدیگی معناسینی وئردیگینی ایفاده ائتدی.
نجیب میقاتی، ایسرائیلین، لبنانین جنوبوندا اوردویا عاید بیر مؤوضعی هدف آلدیغی هوجوما باغلی یازیلی شرح وئردی.
لبنان باش ناظیری شرحینده، "ایسرائیلین، اؤلکهنین جنوبونداکی بیر اوردو مرکزینی دوغرودان هدف آلماسی، آتیشکسه چاتماق اوچون داوام ائدن بوتون سعیلری و ارتباطلاری، اوردونون جنوبداکی وارلیغینین گوجلندیریلمهسی و بیرلشمیش میللتلرین ۱۷۰۱ ساییلی قرارینین تطبیق اولونماسینی رد ائدن، قانلی بیر مئساژی تمثیل ائدیر" ایفادهلریندن ایستیفاده ائتدی.
بو دوغرودان هوجومون "لبنان اوردوسونون و وطنداشلارین دفعهلرله معروض قالدیغی هوجوملارا علاوه اولوناراق، اؤلکهده یاشانانلارا سسسیز قالان بین الخالق جمعیتی گؤستردیگینی" ایفاده ائدن میقاتی، بونلاری قئید ائتدی:
"ایسرائیلین هر جور حلی رد ائدن مئساژلاری داوام ائدیر. عینیله سپتامبر آییندا آمریکا-فرانسا آتشکس چاغیریشی ائتدیگی کیمی یئنه لبنان قانییلا گوندمده اولان حله اوتانمازجا رد جاوابی وئریر".
لبنان اوردوسونون اکس سوسیال مئدیا حسابیندان وئریلهن شرحه گؤره ایسرائیل اوردوسو، قلیله صور یولو اوزریندهکی الامیریهده اولان اوردو مؤوضعینی هدف آلمیشدی.
هوجومدا، ایلک بیلگیلره گؤره بیر لبنان عسگری حیاتینی ایتیررکهن آرالاریندا وضعیتی آغیر اولانلارین دا اولدوغو ۱۸ عسگر یارالانمیشدی.
ایسرائیل اوردوسو، هوجومان "کدر دویدوغونو و لبنان اوردوسونا قارشی ساواشمادیغینی" ادعا ائتمیشدی.
سؤزو گئدن هوجوملا، ۸ اکتبر ۲۰۲۳دن بو یانا ایسرائیل هوجوملاری نتیجهسینده اؤلن لبنان عسگرلرینین سایی ۴۱ه چیخدی.