روسیا، اوکراینانی قارهلر آراسی بالیستیک موشک ایله ووردو
روسیا دؤولت باشقانی ولادیمیر پوتین، قارهلر آراسی بالیستیک موشکدن ایستیفاده ائدرک غربه جدی بیر مئساژ وئردیکلرینی وورغولادی
روسیا، اوکراینایا قارهلر آراسی بالیستیک موشک ایله هوجوم ائتدی.
روسیا دؤولت باشقانی ولادیمیر پوتین، بو موشکدن ایستیفاده ائدرک غربه جدی بیر مئساژ وئردیکلرینی وورغولادی.
"اورشنیک سیستمینی تست ائتمهمیز، ناتونون روسیایا قارشی سالدیرقان حرکتلرینه بیر باشا بیر جاوابدیر." دئیهن پوتین اوستو اورتولو شکیلده بنزر هوجوملارین داوام ائده بیله جگینی بیان ائتدی.
پوتین، "بو جور موشکلرین داها چوخ یئرلشدیریلمهسینه باغلی قرارلار آمریکا بیرلشمیش دؤولتلری و متفیقلرینین حرکتلرینه باغلی اولاجاق" دئدی.
روسیا، هفته بویونجا ۵ آمریکا استحصالی آتاکمس موشکینین ده سالیندیغینی آچیقلادی.
۲ اینگیلیس و فرانسالی استحصالی ستورم شادوو موشکی ده تاثیرسیز حالا گتیریلدی.
اوکراینا دؤولت باشقانی ولودیمیر زلنسکی ایسه "پوتین، ساواشی بؤیوتمک اوچون آددیم آتیر" دئدی.
زلنسکی، "پوتین، آچیقجا، اوکراینادان بیر تست میدانی اولاراق ایستیفاده ائدیر. بیر اؤلکه یالنیز موستقیل اولماق، موستقیل قالماق ایستییرسه درحال بئله آددیملار آتیر" شرحینی وئردی.
گرگینلیین آرتماسی روسیانین قونشولارینی دا حرکته کئچیردی.
قازاقیستان جمهورباشقانی قاسیم جومرد توکایئو، اهمیتلی عسگری و سیویل تاسیسلرین تهلوکهسیزلیگینین تامین ائدیلمهسی اوچون عاجیل تدبیرلرین آلینماسی تعلیماتینی وئردی.
ایلگیلیلی خبرلر

۳ ایسرائیللی اسیر بین الخلق قیرمیزی خاچ قروپلارینا تحویل وئریلیب
آزاد ائدیلن ۳ ایسرائیللی محبوسون موقابیلینده بو گون ۳۶۹ فیلیسطینلی محبوس آزادلیغا بوراخیلاجاق