نئتانیاهونون ائوینه مشعل آتیلماسی حادیثه‌سینده ۳ شوبهه‌لی توتوقلانیب

اؤتن گون قیساریه شهرینده باش ناظیر نئتانیاهونون ائوینین باغچاسینا ایکی مشعل آتیلیب

2210798
نئتانیاهونون ائوینه مشعل آتیلماسی حادیثه‌سینده ۳ شوبهه‌لی توتوقلانیب

ایسرائیل‌ین قیساریه شهرینده باش ناظیر بنیامین نئتانیاهونون شخصی ایقامتگاهیندا مشعل یاندیرماسی حادیثه‌سینده ۳ شوبهه‌لی توتوقلانیب.

ایسرائیل پلیسی و داخیلی استیخبارات اداره‌سی شین-بئت (شاباک) دونن گئجه باش وئرن حادیثه ایله باغلی آچیقلاما وئریب.

آچیقلامادا ساخلانیلان ۳ شوبهه‌لینین ایسرائیل پلیسینده فساد ایله موباریزه اوچون یارادیلمیش «لاهاو ۴۳۳» بؤلمه‌سی و شین بئت‌ طرفیندن بیرگه سورغو-سوال ائدیلجه‌یی بیلدیریلیب.

اؤتن گون قیساریه شهرینده باش ناظیر نئتانیاهونون ائوینین باغچاسینا ایکی مشعل آتیلیب.

عدلیه ناظیری یاریو لئوین آچیقلاماسیندا حادیثه‌نی «سوءقصد جهدی» کیمی قیمتلندیریب و موباحیثه‌لی محکمه ایصلاحاتلاری پروسه‌سینین یئنیدن باشلانماسینین لازیم اولدوغونو مودافیعه ائدیب.

لئوین بئله داورانیشین ایکی ایلدیر کی، "قانون-موحافیظه اورگانلارینین سئچمه تجربه‌لرینین حمایه‌سی آلتیندا" داوام ائتدیگینی و ایسرائیل عالی محکمه‌سینین بو داورانیشلاری تصدیقلدیگینی ادیعا ائدیب.

 

 



ایلگیلی‌لی خبرلر