سوریه‌ده پ.ک.ک/ی.پ.گ-ایسرائیل امکداش‌لیغی

سوریه‌ده ترور تشکیلاتی پ.ک.ک/ی.پ.گ-یه دستگینی گیزلتمه‌ین ایسرائیل بونو ان یوکسک سوییه‌ده دیله گتیریر.

2210541
سوریه‌ده پ.ک.ک/ی.پ.گ-ایسرائیل امکداش‌لیغی

 

سوریه‌ده ترور تشکیلاتی پ.ک.ک/ی.پ.گ-یه دستگینی گیزلتمه‌ین ایسرائیل بونو ان یوکسک سوییه‌ده دیله گتیریر.

نهایت، قاتیل بئنیامین نئتانیاهونون یئنی خاریجی ایشلر ناظیری گیدئون سعار ترور تشکیلاتی پ.ک.ک/ی.پ.گ-نین ایسرائیلین دوستو اولدوغو مئساژینی وئردی.

ایسرائیل ناظیرینین قان‌لی ترور تشکیلاتینی «اونلار بیزیم طبیعی موتتفیقیمیزدیر» دئمه‌سین‌دن بیر نئچه گون سونرا ایسرائیل و پ.ک.ک طرفدارلاری تورکیه علیهینه اونلاین پانئل تشکیل ائدیبلر.

ایجلاس‌دا ترورچو طرفدارلار طرفین‌دن بؤلگه‌ده‌کی ترور قروپلارینین ایسرائیلین طبیعی موتتفیقلری اولدوغو بیلدیریلیب.

ایسرائیلین تهلوکه‌سیزلیگی اوچون سوریه‌نین شیمالین‌دا بیر ترور دؤولتینه احتیاجی اولدوغو ادعا ائدیلیردی.

قالماقال‌لی آچیقلامالارین یئر آلدیغی پانئل‌ده پ.ک.ک-نین غیری-حکومت تشکیلاتی آدی آلتین‌دا یهودی تشکیلاتیلاری واسطه‌سیله ترور تشکیلاتلاری لیسته‌سین‌دن چیخاریلماسینا تلاش ائدیله‌جگی ده بیلدیریلیب.

ایسرائیلین اؤز چیرکین مقصدلرینه چاتماق اوچون تورکیه‌یه قارشی نیظامی، ایقتیصادی، لوجیستیک و دیپلوماتیک دستک وئرمه‌لی اولدوغو ادعا ائدیلیب.

تشکیلات عینی آمریکانین سوریه‌ده قالماغا داوام ائتمه‌لی اولدوغونو مدافعه ائدیب.

قاتیل ایسرائیلین ساواشی بؤلگه‌یه یایما تلاشلاری تورکیه طرفین‌دن اوزون مدت‌دیر دقتله ایزلنیلیر.

پرئزیدئنت رجب طیب اردوغان آچیقلامالارین‌دا ایسرائیله قارشی تهلوکه‌نین ناغیل اولمادیغینی بیلدیریب.

سؤزوگئدن پانئل بو تهلوکه‌نین رئال‌لیغینی بیر داها اورتایا قویدو.



ایلگیلی‌لی خبرلر