عادل الجبیر: "تورکیه ایله یاخین علاقه‌لریمیز وار"
سعودی عربیستانی‌نین خاریجی ایشلر اوزره دؤولت ناظیری عادل الجبیر تورکیه ایله اقتصادیات‌دان تیجارته قدر یاخین علاقه‌لره مالیک اولدوق‌لارینی بیلدیریب.
سعودی عربیستانی‌نین خاریجی ایشلر اوزره دؤولت ناظیری عادل الجبیر تورکیه ایله اقتصادیات‌دان تیجارته قدر یاخین علاقه‌لره مالیک اولدوق‌لارینی بیلدیریب.
عادل الجبیر آذربایجانین پایتاختی باکی‌دا کئچیریلن بیرلشمیش میللت‌لر تشکیلاتی‌نین (بمت) ایقلیم دییشیک‌لیگی اوزره چرچیوه کنوانسیونونون (COP29) 29-جو طرف‌لر کنفرانسیندا مطبوعاتا آچیقلاما وئریب.
تورکیه ایله سعودی عربیستانی‌نین خصوصیله سون زامان‌لاردا امکداش‌لیغی اینکیشاف ائتدیردیگینی ایفاده ائدن عادل الجبیر "سعودی عربیستانی ایله تورکیه آراسینداکی علاقه‌لر گؤزل بیر علاقه‌دیر. هرطرف‌لی و سون درجه دریندیر" دئییب.
"ایکی اؤلکه آراسیندا موختلیف ساحه‌لرده امکداش‌لیغی اینکیشاف ائتدیرمگی هدفلییریک. اقتصادیات، انرژی، سیاسی و حربی ساحه‌ده چوخ‌لو اورتاق ماراق‌لاریمیز وار"، -دئیه عادل الجبیر وورغولاییب.
او، تورکیه و سعودی عربیستانی‌نین بولگه‌سل اینکیشاف‌لارلا باغلی مصلحت لشمه‌لر آپاردیق‌لارینی وورغولایا‌راق، "هم بؤلگه‌نین اوزلشدیگی پروبلئم‌لر، هم ده ایقلیم دییشیک‌لیگی، اوقیانوس لار و صحرالاشما کیمی گلوبال پروبلئم‌لر مسئله سینده بیر-بیریمیزله چوخ یاخیندان مصلحت‌لشیریک" دئییب.
خصوصیله تکنولوژی، ساوونما، برپا اولونان انرژی، نفت-کیمیا، مالیه و توریزم کیمی ساحه‌لرده امکداش‌لیق ائدن تورکیه ایله سعودی عربیستانی‌نین تیجارت حجمی سون ایکی ایلده 50 فایز آرتا‌راق 2023-جو ایلده 6،8 میلیارد دو‌لارا چاتیب.
قئید ائدیب کی، جمهور باشقانی یاردیمجیسی جودت ییلماز وئردیگی آچیقلامادا ایکی اؤلکه‌نین تیجارت حجمینی اورتا مدت‌لی دؤورده اولجه 10 میلیارد دو‌لارا، سونرا ایسه 30 میلیارد دو‌لارین اوزرینه چیخارماغی هدفلدیک‌لرینی سؤیله‌ییب.
