ایسراییل اوردوسو بیروت‌ون جنوبونو هدف آلیب
ایسراییل ساواش اوچاق لاری گئجه ساعات‌لاریندا لبنان‌ین پایتاختی بیروت‌ون جنوبونا 4 هاوا ضربه‌سی ائندیریب.
2209651
ایسراییل ساواش اوچاق لاری گئجه ساعات‌لاریندا لبنان‌ین پایتاختی بیروت‌ون جنوبونا 4 هاوا ضربه‌سی ائندیریب.
بو باره‌ده لبنان‌ین رسمی ننا خبر آژانسی معلومات یاییب.
هوجوم‌لار "حزب الله"ین قالاسی ساییلان ضاحيه بؤلگه‌سینده شدت‌لی پارتلاییش‌لارا سبب اولوب. ننا-نین وئردیگی معلوماتا گؤره، ایسراییل قوه‌لری بیروت‌ون حاريت هيريك بؤلگه‌سینده‌کی دارالحوره طب مرکزینی ده هدف آلیب.
پارتلاییش‌لار ایسراییل اوردوسونون سؤزچوسو آویچای آدرایی‌نین "ایکس" اینترنت صحیفه‌سینده‌کی پای‌لاشیمیندان سونرا باش وئریب. آویچای آدرایی حاريت هيريك بؤلگه‌سینده‌کی بیر ضاحيه‌یه ایشاره ائده‌رک تخلیه ایله باغلی خبردارلیق ائدیب.
قئید ائدک کی، ایسراییل اوردوسو دونن گونورتا ساعات‌لاریندا بیروت‌ون جنوبون‌داکی ضاحيه بؤلگه‌سینه آزی 12 هاوا ضربه‌سی ائندیرمیشدی.
