غزه‌ده اؤلنلرین سایی 43 مین 712 نفره چاتیب
ایسراییلین غزه‌یه شدتلی هوجوم‌لاری داوام ائدیر.
ایسراییل اوردوسونون 2023-جو ایل اوکتبرین 7-دن اعتباراً غزه زولاغینا تشکیل ائتدیگی هوجوم‌لار نتیجه‌سینده اؤلنلرین سایی 43 مین 712 نفره یوکسلیب.
غزه‌ده‌کی فیلیسطین ساغلیق ناظیرلیگیندن وئریلن آچیقلامادا ایسراییلین غزه زولاغینا 404 گوندور تشکیل ائتدیگی هوجوم‌لارلا باغلی معلومات وئریلیب.
آچیقلامادا ایسراییل اوردوسونون غزه زولاغیندا گون عرضینده تؤرتدیگی هوجوم‌لار نتیجه‌سینده داها 47 فیلیسطین‌لی‌نین حیاتینی ایتیردیگی، 182 فیلیسطین‌لی‌نین ایسه یارالاندیغی بیلدیریلیب.
ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوم‌لاردا اؤلنلرین سایی‌نین 43 مین 712-یه، یارا‌لی‌لارین سایی‌نین ایسه 103 مین 258 نفره یوکسلدیگی قئید ائدیلیب.
داغینتی‌لار آلتیندا هله ده مین‌لرله اینسانین اولدوغو، ایسرایل قوه‌لری‌نین مانعه‌لری سببیندن طبی پرسنلین و سیویل ساوونما دسته‌لری‌نین جسدلرین اولدوغو بؤلگه‌یه داخیل اولا بیلمه‌دیگی وورغولانیب.
