روسیا اوردوسو اوکراینانین میکولایئو و زاپوریژیا شهرلرینی هدف آلدی

روسیا اوردوسونون گئجه ساعات‌لاریندا اوکراینانین میکولایئو و زاپوریژیا شهرلرینه اینسانسیز هاوا آراجی ایله هوجوم ائتدیگی بیلدیریلیر. هوجوم نتیجه‌سینده 5 نفر هلاک اولوب، 19 نفر ایسه یارالانیب.

حیاتینی ایتیرن‌لردن 4-و میکولایئو، 1-ی ایسه زاپوریژیا ویلایتینده اولوب. زاپوریژیا ویلایتینده خسارت آلان 5 نفر ایسه اوشاق‌لاردیر و اونلارین یاش‌لاری 4-17 آراسیندا‌دیر.

زاپوریژیا بؤلگه‌سینه ائدیلن هوجومدا ایکی مرتبه‌لی بینا قیسما اوچوب، عینی زاماندا 5 مرتبه‌لی یاتاق‌خانایا جدی زیان دییب.