ایسرائیلین غزه‌یه سالدیریلاری داوام ائدیر
ایسرائیل اوردوسو ۳۴ گوندن بو یانا غزه‌‌نین شیمالیندا داوام ائتدیردیگی قورو عملیاتی اثناسیندا ۱۲۰۰دن چوخ فیلیسطین‌لینی اؤلدوردو
ایسرائیل اوردوسو، غزه یولاغی‌نین شیمالیندا ۳۴ گوندور قورودان داوام ائتدیردیگی هوجوملاریندا تخمیناً ۱۵۰۰ فیلیسطین‌لینی اؤلدوردو.
غزه‌‌ده‌کی ساغلاملیق ناظیرلیگی عمومی مودورو مونیر عبدالله البرش، بو مؤوضوعا باغلی معلومات وئردی.
برش، ایسرائیل اوردوسونون ۳۴ گوندن بو یانا غزه‌‌نین شیمالیندا داوام ائتدیردیگی قورو عملیاتی اثناسیندا ۱۲۰۰دن چوخ فیلیسطین‌لینی اؤلدوردوگونو سؤیله‌دی.
اؤته یاندان حماس، ایسرائیل اوردوسونون دونن غزه یولاغی‌ندا گئرچکلشدیردیگی ایکی قیرغیندا ۴۲ فیلیسطین‌لینین حیاتینی ایتیردیگینی بیلدیردی.
حماس‌‌دان وئریله‌ن یازیلی شرحده، ایسرائیل اوردوسونون غزه یولاغی‌نین شیمالی باشدا اولماق اوزره فیلیسطین خالقینا قارشی قیرغینلارینی داوام ائتدیردیگی ایفاده ائدیلدی.
ایسرائیلین غزهده وطنداشلارا قارشی گئرچکلشدیردیگی قیرغینین سونونجوسونون شاطی موهاجیر دوشرگه‌سینده یئریندن ائدیله‌نلرین سیغیندیغی بیر مکتبده میدانا گلدیگی ایفاده ائدیلدی.
بو قیرغیندا ۱۲ آدامین حیاتینی ایتیردیگی قئید ائدیلدی.
ایسرائیل اوردوسونون غزه یولاغی‌نین شیمالینداکی جبالیه موهاجیر دوشرگه‌سینده ده بیر قیرغینا ایمضا آتدیغی ایفاده ائدیلدی.
جبالیه موهاجیر دوشرگه‌سینده بیر ائوه تشکیل ائدیله‌ن بومباردماندا چوخو قادین و اوشاق ۳۰دان چوخ وطنداشین اؤلدوگو ایفاده ائدیلدی.
شرحده،
"ایشغالچی نازی اوردوسونون اتنیک تمیزلیک سویه‌سینده‌کی بو قیرغینلاری، غزه یولاغی‌نین شیمالینا تطبیق ائتدیگی محکم محاصیره ایله بیرلیکده گئرچکلشدیریلیر" ایفاده‌لریندن ایستیفاده ائدیلدی.
