غزهده اوشاق فلجی واکسن کمپینی
غزهنین قوزئیینده اوشاق فلجی واکسن کمپینینده ۱۰۵ مین ۵۵۸ اوشاغا ایکینجی دوز وئریلدی
غزهده اوشاق فلجی واکسن کمپینینین ایکینجی توروندا ۱۰ یاشدان کیچیک ۵۵۶ مین ۷۷۴ اوشاغا واکسن وورولوب.
دونیا ساغلیق تشکیلاتینین باش دیرئکتورو تئدروس آدهانوم قبریسوس، ایسرائیلین آغیر هوجوملارینا معروض قالان غزهده، اوشاق فلجی واکسن کمپینینین ایکینجی تورو باشا چاتدیقدان سونرا X-دن بیر یازی پایلاشدی.
غزهنین قوزئیینده اوشاق فلجی واکسن کمپینینین دونن بیتدیگینی و ۱۰۵ مین ۵۵۸ اوشاغا ایکینجی دوزون وئریلدیگینی قید ائدن قبریسوس، داوام ائدن قارشیدورمالار زامانی ۸۳ مین ۸۷۶ اوشاغا آ ویتامینی علاوهسی وئریلدیگینی بیلدیریب.
قبریسوس، "غزهنین قوزئیینده واکسیناسیون یوزده ۸۸-ه نایل اولونوب. ۷-۱۰ اوشاغا ایکینجی دوز واکسن آلماییب، بو سببدن اوشاق فلجی خستهلیگینه قارشی حساسدیر. غزهده ۱۰ یاشدان کیچیک ۵۵۶ مین ۷۷۴ اوشاق (اوشاقلارین یوزده ۹۴-و) ایکی دوز واکسن آلدی" دئدی.
مونتظم ساغلیق خیدمتلری واسیطهسی ایله داها چوخ اوشاغا چاتماق اوچون چابالارین داوام ائدهجهگینی بیلدیرن قبریسوس، ساغلیق چالیشانلارینین فداکارلیغینی تحسین ائتدی.
دونیا ساغلیق تشکیلاتینین باش دیرئکتورو، "غزهده بوتون اوشاقلارین ساغلام و تهلوکهسیز اولماسی اوچون حل یولو آتیشکسدیر" دئدی.
