ایسرائیل اوردوسو یئنه سوریه‌‌نی ووردو
ایسرائیل اوردوسو وئردیگی یازیلی شرحله، دونن گون اورتادان سونرا قصیر ائلچه‌سینه تشکیل ائدیله‌ن هاوا هوجومونون مسئولیتینی بوینونا گؤتوردو
ایسرائیل اوردوسو، سوریه‌نین اورتالاریندا‌کی حمص ائلینه باغلی قصیر ائلچه‌سینه هاوا هوجومو تشکیل ائتدیگینی بیلدیردی.
ایسرائیل اوردوسو وئردیگی یازیلی شرحله، دونن گون اورتادان سونرا قصیر ائلچه‌سینه تشکیل ائدیله‌ن هاوا هوجومونون مسئولیتینی بوینونا گؤتوردو.
هاوا قوه‌لری طرفیندن تشکیل ائدیله‌ن هوجومدا، "حزب‌الله‌ا عاید سلاح آنبارلارینین" هدف آلیندیغی ادعا ائدیلدی.
ایسرائیل اوردوسو، سیراغا گون ده سوریه‌نین پایتاختی دمشقین جنوبوندا بیر نئچه نقطه‌یه هاوا هوجومو تشکیل ائتمیشدی.
بو هوجومون مسئولیتینی ده بوینونا گؤتوره‌ن ایسرائیل اوردوسو، "حزب‌الله‌ا عاید کشفیات قرارگاهلارینی" هدف آلدیغینی ادعا ائتمیشدی.
ایسرائیل، وطنداش محاربه‌سینین باشلادیغی ۲۰۱۱دن بو یانا سوریه‌ده زامان زامان ایران دستکلی قروپلارا و سوریه اوردوسونا عاید عسگری نقطه‌لره هوجوملار تشکیل ائدیر.
