ایسرائیل جنین شهرینه باسقین ائدیب

ایسرائیل قووه‌لری سحر ساعاتلاریندا ایشغال آلتینداکی جنین شهرینه و اوراداکی قاچقین دوشرگه‌سینه بولدوزئرلر ایله باسقین ائدیب.

شاهیدلردن آلینان معلوماتا گؤره، ایسرائیل قووه‌لری جنین-ه باسقین زامانی شهر و قاچقین دوشرگه‌سی اطرافینا چوخلو نیشانجی یئرلشدیریب.

ایسرائیل قووه‌لری شهرین بیر چوخ یئرینده بولدوزئرلر ایله آلت‌یاپی و یوللاری داغیدیب، باسقینا قارشی چیخان فیلیسطین‌لیلره آتیش آچیب.

ایسرائیل عسگرلری دونن ایشغال آلتینداکی اردن چایینین باتی ساحیلینین قوزئیینده قباطیه و طوباس شهرلرینه تشکیل ائتدیکلری باسقیندا ۸ فیلیسطین‌لینی شهید ائدیب.

۷ اکتبر ۲۰۲۳-جو ایلدن بری اردن چایینین باتی ساحیلی و دوغو قدس‌ده فیلیسطین تورپاقلارینی غصب ائدن ایسرائیل عسگرلری و ایسرائیل‌لیلرین حیاتا گئچیردیگی هوجوملاردا ۱۶۷-سی اوشاق اولماقلا ۷۷۵ فیلیسطین‌لی حیاتینی ایتیریب.