قطرده خالق آنایاسا دییشیکلیگینه هه دئدی

قطرده آنایاسا دییشیکلیگی اوچون تشکیل ائدیله‌ن خالق اویلاماسیندا صاندیقدان یوزده ۹۰،۶ "هه" اویو چیخدی.

ایچ ایشلری ناظیری و عمومی رفراندوم کومیته‌سی باشقانی خلیفه بن حمد آل ثانی، خالق اویلاماسی نتیجه‌لرینی آچیقلادی.

ایشتیراک نیسبتینین یوزده ۸۴ اولدوغونو ایفاده ائد‌ن آل ثانی، اعتبارلی سسلرین یوزده ۹۰،۶ینین آنایاسا دییشیکلیکلرینی تصدیقلدیگینی بیلدیردی.

قطر امیری شیخ تمیم بن حمد آل ثانی ده اکس حسابیندان وئریگی شرحده، "بو گون خالق اویلاماسینا قاتیلاراق آنایاسا دییشیکلیکلرینه 'هه' اویو وئره‌ن قطرلیلر، کئچمیشدن گلن بیرلیک، دایانیشما و وطن سئوگیسینین میوه‌لرینی قئید ائتدیلر. بیرلیک و عدالت کیمی دگرلریمیزی قورویاجاق و اونلارا صاحب چیخاجاغیق" ایفاده‌لریندن ایستیفاده ائتدی.

قطر باش ناظیری و خاریجی ایشلر ناظیری محمد بن عبدالرحمان آل ثانی ایسه اکس حسابیندان وئردیگی شرحده خالق اویلاماسی نتیجه‌سیندن دویدوغو ممنونیتی ایفاده ائد‌رک،

"لیدئرلیک ایله خالق آراسینداکی گوجلو باغی و ایداره‌چی ایله خالق آراسینداکی سئوگی و اعتباری عکس ائتدیره‌ن بو خالق اویلاماسینین موفقیتیندن اؤترو حؤرمتلی امیریمی و قطر خالقینی تبریک ائدیره‌م" دئدی.

قطر امیرلیک دیوانی طرفیندن ائوئریله‌ن شرحده ده خالق اویلاماسیندا قطرین شاهید اولدوغو میللی بیرلیک نومایشینی قئید ائتمک مقصدی ایله ۶-۷ نوامبردا رسمی تعطیل اعلان ائدیلدیگی بیلدیریلدی.

قطرده آنایاسا دییشیکلیگی ایله باغلی حاضرلانان قانون، ۲۸ اکتبردا شورا مجلیسیندن کئچدیکدن سونرا قطر امیری تمیمه تقدیم ائدیلمیشدی.

قطر امیری، داها اول اکس حسابیندان وئردیگی شرحده، آنایاسا دییشیکلیکلرینین ایکی مقصدی اولاجاغینا دقت چکمیش،

"(آنایاسادا ائدیله‌جک دییشیکلیکلرین مقصدی) بیر طرفدن خالقین بیرلیگینی دیگر طرفدن ده وطنداشلارین حاق و تعهدلاردا برابر اولماسینی تامین ائتمکدیر. حقوق و قانونلار قارشیسیندا برابرلیک، معاصر دؤولتین تملی اولدوغو قدر حقوقی، اخلاقی و آنایاسال بیر وظیفه‌دیر" ایفاده‌لریندن ایستیفاده ائتمیشدی.