هاشمی: تلگرام و اینستاگرام ایرانین قایدالارینی قبول ائتمه‌لیدیر
ایران ارتباطات و تئکنولوژی ناظیری ستار هاشمی وورغولایییب کی تلگرام و اینستاگرام کیمی خاریجی پلاتفورمالار اداره‌‌لرینین یارادیلماسی اوچون بیر سیرا مؤوجود قایدالاری قبول ائتملیدیرلر
ایران ارتباطات و تئکنولوژی ناظیری ستار هاشمی حؤکومت نۆماینده هیئتینین ایجلاسی چرچیوه‌سینده بو اؤلکه‌ده تلگرام و اینستاگرام کیمی خاریجی پلاتفورمالارین اداره‌سینین یارادیلماسی ایله باغلی ژورنالیستلره دئییب: بونلار نهایت بیر سیرا مؤوجود قایدالاری قبول ائتملیدیرلر. بو آلان قایداسیز اولمامالیدیر.
او، علاوه ائدیب: اگر تعقیب ائتدیییمیز بو یولدا بیر نتیجه‌یه گه‌له بیلسک، یئنی خبرلر وئره بیلریک.
هاشمی، ایران حؤکومتینین «استارلینک»ه نئجه داوراناجاغی ایله باغلی سوالا جاواب اولاراق دئییب: بیز دفعه‌لرله دئمیشیک کی، حؤکومتین نظری یئنی تئکنولوژی ایمکانلاریندان ایستیفاده ائتمکدیر، لاکین اولوس آراسیندا وار اولان قایدالار و قانونلار ایله. "استارلینک"ین وضعیتی آیدیندیر. بۆتون دۆنیادا اراضی حاقلاری و یا لندینگ رایت رسمیت قازانیب. بیزیم اؤلکه‌ده ده بو وار. اگر بو بین الخلق حۆقوق شکلینده اولورسا، هئچ بیر پروبلئم یوخدور.
