ایسرائیل‌لیلر، فیلیسطین‌لیلرین ماشین‌لارینی یاندیریب‌لار

ایسرائیل‌لیلر، فیلیسطین‌لی‌لرین تورپاق‌لارینی ضبط ائده‌رک ایشغال آلتینداکی اردون چائی‌نین باتی ساحلی‌نین البیره شهرینده 20 اتومبیلی یاندیریب‌لار.

رام الله شهرینه یاخین البیره شهری‌نین صنایع بؤلگه‌سینه سحرین ایلک ساعات‌لاریندا هوجوم ائدن بیر قروپ ایسرائیلی، فیلیسطین‌لیلره مخصوص 20 اتومبیلی یاندیریب. عینی قروپ یانغین خبری ایله اراضییه گلن عاجیل یاردیم و مولکی ساوونما قروپ‌لارینا دا آتیش آچیب.

ایسرائیلین 7 اوکتبر 2023-جو ایلده غزه زولاغینا هوجوم ائتمه‌سیندن بو یانا ایشغال آلتینداکی اردون چائی‌نین باتی ساحلی و دوغو قودس‌ده فیلیسطین‌لیلره قارشی هوجوم‌لارین سایی آرتیب.

فیلیستین آزادلیق تشکیلاتینا (FKÖ) باغلی آیریم دیواری و یهودی مسکونلاشما بیرلشمه‌لری ایله موباریزه شوراسی ایشغال آلتینداکی اردون چائی‌نین باتی ساحلینده ایسرائیل اوردوسو و فیلیستین تورپاق‌لارینی ضبط ائدن ایسرائیل‌لیلرین اوکتبر آییندا فیلیسطین‌لیلره قارشی 1490 هوجوم حیاتا کئچیردیگینی بیلدیریب.

ایشغال آلتینداکی اردون چائی‌نین باتی ساحلینده 451 مین، دوغو قودس‌ده ایسه تخمینن 230 مین ایسرائیل‌لی فیلیسطین تورپاق‌لارینی ضبط ائده‌رک قانون‌سوز یاشاییش یئرلرینده مسکونلاشیب. اولوسلار آراسی حقوقا گؤره، اردون چائی‌نین باتی ساحلی‌ و دوغو قودس‌ده‌کی بو ضبط لر قانون‌سوز حساب اولونور. بو بؤلگه‌لرده یاشایان ایسرائیل‌لیلر، اردون چائی‌نین باتی ساحلینده ایشغال آلتیندا یاشایان فیلیسطین‌لیلر اوچون حیاتی داها دا چتینلشدیریر.