ایران و آذربایجان‌ین خزر دنیزینده بیرگه دنیز تعلیمی
بۇ تعلیمین کئچیریلمه‌سینده مقصد «بؤلگه‌ده دایانؽقلی کوتلوی امنیت و اوْنون اساسلارؽنین مؤحکملندیریلمسی و ایشتیراکچؽ اؤلکه‌لر آراسؽندا چوْخ طرفلی امکداشلؽغین گئنیشلندیریلمه‌سی» اعلان ائدیلیب.
خزر دنیزینده امداد و قورتارما بیرگه تعلیمی، "AZIREX2024" آدؽ و "باریش و دوْستلوق اوچون امکداشلؽق" شعاری ایله ایران و آذربایجان جمهوریتی حربی دنیز قۆوه‌لرینین ایشتیراکؽ ایله بندر انزه‌لی‌ده کئچیریلیر.
ایرنا خبر آژانسی‌نین وئردیگی معلۇماتا گؤره، دۆنن آخشام ساعاتلارؽندا آذربایجان جمهوریتی حربی دنیز قۆوه‌لرینین گه‌میلری، اوْ جۆمله‌دن گ۱۲۹ و آ۶۴۰ خزر دنیزینده کمک و قورتارما بیرگه تعلیمینده ایشتیراک ائتمک اۆچون ایرانؽن داخیلی سۇلارینا داخیل اوْلوبلار.
بۇ تعلیم ایران حربی دنیز قۆوه‌لرینین شیمال دوْنانماسینین ائو صاحیبلی‌گی ایله ایران و آذربایجان جومهوریتی دنیز قۆوه‌لرینین ایشتیراکؽ ایله کئچیریلن کوْردیناسیون گؤروشلریندن سوْنرا دؤردونجو امام رضا دنیز بؤلگه‌سینده ایکی گۆن عرضینده کئچیریلیر.
بۇ تعلیمین کئچیریلمه‌سینده مقصد «بؤلگه‌ده دایانؽقلی کوتلوی امنیت و اوْنون اساسلارؽنین مؤحکملندیریلمسی و ایشتیراکچؽ اؤلکه‌لر آراسؽندا چوْخ طرفلی امکداشلؽغین گئنیشلندیریلمه‌سی، هابئله بۇ اؤلکه‌لرین بیرگه امکداشلؽق ایستقیامتینده باریش، دوْستلوق و دنیز امنیتینه دسته‌ک هدفی ایله یاخشی نیت و باجارؽغینی گؤسترمک» اعلان ائدیلیب.
