نیجریه‌ده مین‌ین پارتلاماسی نتیجه‌سینده 7 نفر هلاک اولدو
نیجریه‌نین بورنو ایالتینده، ترور قروپ‌لاری بوکو حرام و ISWAP-ین فعال اولدوغو بؤلگه‌ده، یولا قویولان مین‌ین پارتلاماسی نتیجه‌سینده 7 نفر هلاک اولوب، 5 نفر ایسه یارالانیب.
نیجریه‌ده بوکو حرام و داعش‌ین باتی افریقا قانادی اولان (ISWAP) ترور تشکیلات‌لاری‌نین فعال اولدوغو بورنو ایالتینده، یولا یئرلش‌دیریلن مین‌ین پارتلاماسی نتیجه‌سینده 7 نفر هلاک اولوب.
بورنویا باغلی کوندوقا بؤلگه‌سینده یولا قویولان مین، آغاج داشییان یوک کامیون‌ون کئچیدی زامانی پارتلاییب. پارتلاییشدا 7 نفر حیاتینی ایتیریب، 5 نفر یارالانیب. یارا‌لی‌لار معالیجه آلتینا آلینیب.
پارتلاییشا گؤره هله‌لیک هئچ بیر قروپ مسئولیتی اوزرینه گؤتورمه‌ییب، لاکین بوکو حرام و ISWAP قروپ‌لاری بورنو ایالتینده تئز-تئز هوجوم‌لار تشکیل ائدیر.
نیجریه‌ده 2000-جی ایللرین اول‌لریندن مؤوجود اولان بوکو حرام، 2009-جو ایلدن بری تشکیل ائتدیگی کوتلوی زوراکی‌لیق آکت‌لاریندا اون مین‌لرله اینسانین اؤلومونه سبب اولوب. بو تشکیلات 2015-جی ایلدن اعتباراً کامرون، چاد و نیجر کیمی قونشو اؤلکه‌لرده ده هوجوم‌لار حیاتا کئچیریر.
ایلگیلی‌لی خبرلر
پسکوو: "پرزیدنتین ایجازه‌سی اولما‌دان بئله قرارلار وئریلمیر"
دمیتری پسکوو سوریه‌ده‌کی سون حادثه‌لری پایتاخت موسکوادا ژورنالیست‌لرله دگرلندیریب.
