ایسرایل اوردوسونون غزه هوجوم‌لاریندا 8 نفر هلاک اولدو
ایسراییل اوردوسونون غزه شهرینه هوجوموندا بیری اوشاق اولماقلا 8 نفر حیاتینی ایتیردی، بیر نئچه نفر ایسه یارالاندی.
2205818
ایسراییل اوردوسونون غزه زولاغی‌نین اورتا و شیمال بؤلگه‌لرینه تشکیل ائتدیگی هوجوم‌لاردا بیری اوشاق اولماقلا 8 نفر حیاتینی ایتیردی، بیر نئچه نفر یارالاندی.
فیلیسطین‌ین رسمی خبر آژانسی وفایا گؤره، ایسراییل اوردوسو غزه زولاغی‌نین اورتا حیسه‌سینده یئرلشن دیرالبلاح شهرینده‌کی البریج قاچقین دوشرگه‌سی‌نین گیریش حیسه‌سینده اولان بیر قروپ فیلیسطینلینی اینسانسیز هاوا آراجی ایله (ایها) هدفه آلیب.
هوجوم نتیجه‌سینده بیری اوشاق اولماقلا 6 نفر حیاتینی ایتیردی، بیر نئچه نفر یارالاندی.
هلاک اولان و یارا‌لانان‌لار الاقصی شهیدلر خسته‌خاناسینا آپاریلیب.
ایسراییل اوردوسونون غزه زولاغی‌نین شیمالینداکی جبا‌لیه بؤلگه‌سینه "کوادکوپتر" تیپ‌لی اینسانسیز هاوا آراجی ایله تشکیل ائتدیگی هوجومدا ایسه 2 نفر حیاتینی ایتیردی، بیر نئچه نفر یارالاندی.
