ایسرائیلین غزه زولاغینا ائتدیگی 2 سالدیریدا 84 فیلیسطین‌لی حیاتینی ایتیریب
ایسرائیل اوردوسونون تخمیناً بیر آیدیر چوخ محاصیره‌ده ساخلادیغی غزه‌نین شیمالین‌دا فیلیسطین‌لیلرین ائولرینی هدف آلان ایکی وحشی قیرغین‌دا 50-دن چوخو اوشاق اولماقلا 84 فیلیسطین‌لی حیاتینی ایتیریب.
ایسرائیل اوردوسونون تخمیناً بیر آیدیر چوخ محاصیره‌ده ساخلادیغی غزه‌نین شیمالین‌دا فیلیسطین‌لیلرین ائولرینی هدف آلان ایکی وحشی قیرغین‌دا 50-دن چوخو اوشاق اولماقلا 84 فیلیسطین‌لی حیاتینی ایتیریب.
حکومتین غزه‌دکی مئدیا اوفیسین‌دن وئریلن آچیقلامادا، ایسرائیل اوردوسونون غزه نین شیمالین‌دا شئلاییل و ال-گن‌دور عائله‌لرینه عایید 170 سیویل وطنداشین اولدوغو بینالاری بومبالادیغی بیلدیریلیب.
آچیقلامادا،
"ایشغال‌چی ایسرائیل اوردوسونون تؤرتدیگی ایکی وحشی قیرغین‌دا 50-دن چوخو اوشاق اولماقلا 84 نفر حیاتینی ایتیریب، اونلارلا اینسان داغینتیلار آلتین‌دا ایتیب و یارالانیب" دئییلیب.
آچیقلامادا، ایسرائیل اوردوسونون غزه‌نین شیمالین‌دا ساغلیق سیستئمینی چؤکدوردویو و خسته‌خانالاری هدفه آلاراق، ایستیفاده‌دن چیخاردیغی قئید ائدیلیب.
آچیقلامادا بین الخالق ایجتیماعیت و تشکیلاتلار "اینسانی وظیفه‌لرینی بوینونا گؤتورمه‌یه" چاغیریلیب و ایسرائیله سیویل شخصلری، خسته‌خانالاری و ساغلیق موسسیسه‌لرینی قوروماق و غزه‌ده سویقیری‌می دایان‌دیرماق اوچون تضییق گؤستریلمه‌سی ایستنیلیب.
آچیقلامادا بوتون دونیا دؤولتلری سیویل اهالینی، کؤچکونلری و اوشاقلاری هدف آلان بو دهشت‌لی قتل‌عاملاری قیناما‌یا چاغیریلیب.
غزه‌ده تؤره‌دیلن جینایتلره گؤره ایسرائیل، آمریکا حکومتی، اینگیلتره، آلمانیا و فرانسا کیمی اؤلکه‌لر مسئولیت داشیییردی.
دیگر طرف‌دن، غزه زولاغینین شیمالین‌داکی العوده خسته‌خاناسینین دیرئکتورو محمد صالحا، سون درجه محدود ایمکانلارلا خسته‌خانادا عمومی جراح ایله خیدمت گؤستردیکلرینی ایفاده ائد‌رک، ژنراتورلاری ایشلتمک اوچون لازیم اولان یاناجاغین اولدوغونو خبردار ائتدی. صاباح توکه‌نه‌جک و خسته‌خانادا حیاتی خیدمتلر دایاناجاقدی.
حکومتین غزه‌ده‌کی مئدیا اوفیسین‌دن وئریلن یازی‌لی آچیقلامادا 7 اوکتیابر 2023-جو ایلد‌ن ایسرائیل اوردوسونون سالدیریسینا معروض قالان غزه زولاغین‌دا اؤلدورولن ژورنالیستلرله باغلی معلومات وئریلیب.
آچیقلامادا "القودس تودی" تلویزیونونوو فوتوموخبیری بیلال محمد رجبین ایسرائیل طرفین‌دن اؤلدورولدویو بیلدیریلیب.
اوفیسین آچیقلاماسین‌دا، ایسرائیلین غزه زولاغین‌دا فیلیسطین‌لیلره قارشی سویقیریما باشلادیغی 7 اوکتیابر 2023-جو ایلد‌ن بو یانا حیاتینی ایتیر‌ن مطبوعات ایشچیلرینین ساییسینین 183-ه یوکسلدیگی بیلدیریلیب.
