میقاتی: ایسرائیل ایله حزب‌الله آراسیندا آتیشکس اولا بیلر
لبنان باش ناظیری نجیب میقاتی، اؤنوموزده‌کی گونلر یا دا ساعاتلاردا ایسرائیل ایله حزب‌الله آراسیندا آتیشکس اولا بیله‌جگینی سؤیله‌دی
لبنان باش ناظیری نجیب میقاتی، اؤنوموزده‌کی گونلر یا دا ساعاتلاردا ایسرائیل ایله حزب‌الله آراسیندا آتیشکس تامین ائدیله بیله‌جگینی ایفاده ائتدی.
لبنان باش ناظیری میقاتی، لبناندا یاییملانان الجدید تلویزیون کانالینا وئردیگی شرحده، آمریکا بیرلشمیش دؤولتلری باشقانی جو بایدنین مشاویری آموس هاچستین ایله ائتدیگی تلفون دانیشماسیندان سونرا آتیشکس اوچون اومودلو اولدوغونو قئید ائتدی.
"تلفون دانیشماسیندان اول ۵ نوامبر تاریخی اولینده بیر آتیشکسین اولا بیله‌جگینی گؤزله‌میردیم" دئیه‌ن میقاتی، هاچستین‌ین اؤزونه سؤیلدیکلریندن سونرا اؤنوموزده‌کی گونلر یا دا ساعاتلاردا آتیشکسین اولا بیله‌جگیندن اومودلو اولدوغونو دیله گتیردی.
هاچستین‌ینین بیروتا ائتدیگی سون زسفرده اؤزو ایله لبنان مجلیس باشقانی نبیه بری آراسیندا "گیزلی" قالان بیر تکلیف گتیردیگینی دئین میقاتی، "لیتانی‌نین جنوبوندا لبنانین مشروعیتی خاریجینده هئچ بیر سلاح اولمامالی" ایفاده‌سیندن ایستیفاده ائد‌رک تلویحاً بورادان حزب‌الله‌ین سلاحلی عنصورلارینین چکیلمه‌سی لازیم اولدوغو سؤیله‌دی.
میقاتی، بو چرچیوه‌ده لبنان اوردوسونون وظیفه‌سینی یئرینه گتیره بیلمه‌سی اوچون تجهیزاتا احتیاجی اولدوغونو قئید ائتدی.
اؤته یاندان ایسرائیل مطبوعاتی، آتیشکس راضیلاشماسینین لایحه‌سیı اولدوغو ادعا ائدیلن بیر سند پایلاشدی.
سندین، هاچستین طرفیندن یازیلان رازضیلاشمانین قارالاماسی اولدوغو، ایسرائیل باش ناظیری بنیامین نتانیاهو و کؤمکچیلری طرفیندن آراشدیریلدیغی و سون گؤروشمه‌لرین اؤنوموزده‌کی گونلرده گئرچکلشه‌جگی ایفاده ائدیلدی.
ایلگیلی‌لی خبرلر
سوریه‌نین حماه شهرینین کونترولو رئژیمین مخالیفلرینه کئچدی
سوریه‌نین حماه شهر مرکزینه نظارت رئژیمه موخالیف سیلاح‌لی قروپلارین الینه کئچیب.
