ایسرائیل، لبنان‌دا آمبولانس‌لاری هدف آلدی
ایسرائیل اوردوسونون لبنان‌ین گونئیینده آمبولانس‌لاری هدف آلماسی نتیجهسینده ۸ طیب ایشچیسی حیاتینی ایتیریب
ایسرائیل اوردوسونون لبنان‌ین گونئیینده آمبولانس‌لاری هدف آلماسی نتیجهسینده ۸ طیب ایشچیسی حیاتینی ایتیریب.
لبنان‌ین ساغلیق ناظیری فراس الابیض بیلدیریب کی، ایسرائیل اوردوسو آمبولانس‌لاری هدفه آلیب و ماشینلاردا اؤلن طیب ایشچیلرینین "جسدلرینی قایتارماقدان ایمتیناع ائدیب".
الابیض اولوسلار آراسی جامعه‌نی مسئولیتلرینی و وظیفه‌لرینی یئرینه یئتیرمه‌یه چاغیریب، ایسرائیل‌ین هوجوملارینین باشلادیغی ۲ اکتبردان بری لبنان‌دا ۵۵ خسته‌خانانین وورولدوغونو بیلدیریب.
۵۵ هوجومدان ۳۶-نین بیرباشا خسته‌خانالاری هدف آلدیغینی بیلدیرن الابیض، ۸ خسته‌خانانین باغلاندیغینی آچیقلاییب.
ایسرائیل داها اول لبنان قیزیل‌آی جمعیتینه باغلی آمبولانس‌لارینین و بیر چوخ خسته‌خانانین "حزب‌الله اوچون سیلاح و عسگر داشیدیغینی" ادیعا ائتمیش و بو حرکتلرین داوام ائدجه‌گی تقدیرده آمبولانس‌لاری آتشه توتاجاغینی بیلدیرمیشدی.
لبنان مسئوللاری ایسرائیل‌ین ادیعالارینی آچیق شکیلده تکذیب ائدیبلر.
