پوتین، پزشکیان ایله گؤروشدو
ایمضالایاجاقلاری بیلدیریلدی. روسیا دؤولت باشقانلیغی ساراییندان وئریله‌ن شرحه گؤره، پوتین و پزشکیان، روسیا فدراسیونونا باغلی تاتاریستان جمهوریتینین پایتاختی قازاندا تشکیل ائدیله‌ن بریکس لیدئرلر ذیروه‌سی داخیلینده بیر آرایا گلدی
روسیا دؤولت باشقانی ولادیمیر پوتین ایله ایران جمهورباشقانی مسعود پزشکیانین، احاطه‌لی ایستراتژیک اورتاقلیق آنلاشماسی ایمضالایاجاقلاری بیلدیریلدی.
روسیا دؤولت باشقانلیغی ساراییندان (کرملین) وئریله‌ن شرحه گؤره، پوتین و پزشکیان، روسیا فدراسیونونا باغلی تاتاریستان جمهوریتینین پایتاختی قازاندا تشکیل ائدیله‌ن بریکس لیدئرلر ذیروه‌سی داخیلینده بیر آرایا گلدی.
گؤروشمه‌نین مطبوعاتا آچیق قیسیمینده دانیشان پوتین، روسیا ایله ایران آراسینداکی علاقه‌لره توخوناراق، "دوست و مثبت علاقه‌لریمیز اینکیشاف ائدیر. تیجارت و اقتصاد ساحه‌سینده‌کی امکداشلیغیمیزین مثبت ایستیقامتده اینکیشافینی قوروماق آنا وظیفه‌میزدیر" قیمتله‌ندیرمه‌سینی وئردی.
پوتین، ایکیلی علاقه‌لرده "شیمال-جنوب" بین الخالق نقلیات کوریدورو پروژه‌سی و بوشهر نووه مرکزینین ایکینجی و اوچونجو گوج مودوللارینین تیکیمینین اولویتده اولان مؤوضوعلار اولدوغونو ایفاده ائتدی.
ایرانین بریکس و شانگهای امکداشلیق تشکیلاتی عضوو اولدوغونو و بونون بین الخالق ساحه‌ده چالیشماق اوچون فورصت میدانا گتیردیگینی دیله گتیره‌ن پوتین، ۲۰۲۳ده ایران و آوراسیا اقتصادی بیرلیگی آراسیندا ایمضالانان سربست تیجارت آنلاشماسینین اقتصاد ساحه‌سینده ایر‌لیله‌مه تامین ائتدیگینی سؤیله‌دی.
ولادیمیر پوتین، "یاخیندا روسیا ایله ایران آراسیندا احاطه‌لی استراتژیک اورتاقلیق آنلاشماسینی ایمضالایا بیله‌جییک. بو سندی و دیگر اهمیتلی سندلری ایمضالاماق اوچون اؤلکه‌میزه آیری بیر سفر ائتمه دعوتیمیزی قبول ائتدیگینیز اوچون مینتداریق" ایفاده‌لریندن ایستیفاده ائتدی.
ایران جمهورباشقانی پزشکیان دا روسیا ایله علاقه‌لرین ایستراتژیک سویه‌ده و ایکی دؤولتین منفعتینه اولدوغونو ایفاده ائتدی.
پزشکیان، آمریکا بیرلشمیش دؤولتلرینین ایران و روسیایا تحریم تطبیق ائتدیگینه دقت چکه‌رک، "آمریکانین پوزماغا چالیشدیغی بوتون ایشلری حل ائده بیله‌جگیمیزه و مانعلری اورتادان قالدیراجاغیمیزا اینانیرام" شکلینده دانیشدی.
جمهورباشقانی پزشکیان دا روسیا ایله احاطه‌لی استراتژیک اورتاقلیق آنلاشماسی ایمضالایاجاقلارینی سؤیله‌دی.
