پزشکیان: آمریکا دلاردان سلاح اولاراق ایستیفاده ائدیر
ایران جمهورباشقانی مسعود پزشکیان، روسیا فدراسیونونا باغلی تاتاریستان جمهوریتینین پایتاختی قازاندا ۱۶.جی‌سی تشکیل ائدیله‌ن بریکس لیدئرلر ذیروه‌سینین دار چرچیوه‌لی ییغینجاغیندا دانیشدی
ایران جمهورباشقانی مسعود پزشکیان، آمریکا بیرلشمیش دؤولتلرینین دلاردان بیر سلاح اولاراق ایستیفاده ائتدیگینی، بونا قارشیلیق بریکسین میللی پول واحیدیندن ایستیفاده ائتمه‌نی آسانلاشدیراجاق ایمکانلارا صاحب اولدوغونو سؤیله‌دی.
ایران رسمی خبر آژانسی ایرنایا گؤره، پزشکیان، روسیا فدراسیونونا باغلی تاتاریستان جمهوریتینین پایتاختی قازاندا ۱۶.جی‌سی تشکیل ائدیله‌ن بریکس لیدئرلر ذیروه‌سینین دار چرچیوه‌لی ییغینجاغیندا دانیشدی.
پزشکیان، "آمریکا، دیگر اؤلکه‌لری کنترل ائتمک اوچون دلاردان بیر سلاح اولاراق ایستیفاده ائدیر. دونیا بریکسی دلارین گوجونو ضعیفله‌ده‌جک و میللی پول واحیدلرینی دؤوره‌یه قویاجاق بیر قورولوش اولاراق بیلیر. بریکس عضوو اؤلکه‌لرین، انرژی، غذا و دیگر ماللارین ان بؤیوک استحصالچیسی و استهلاکچیسی و اهمیتلی نقلیات و ترانزیت خطلرینه صاحب اولمالاری میللی پول واحیدلریندن ایستیفاده ائتمه‌نی آسانلاشدیریر" دئدی.
بریکسه عضو اؤلکه‌لرین اقتصادی و تیجاری امکداشلیغین آرتیریلماسی مؤوضوعوندا داها سرعتلی حرکت ائتمه‌لری اوچون علاقه‌لی تشکیلاتلارینی ایستیقامتله‌ندیرمه‌لرینی ایسته‌یه‌ن پزشکیان، اقتصادی تحریملره قارشی اورتاق مکانیزملرین قورولماسی لازیم اولدوغونون وورغولادی.
تجروبه و معلومات پایلاشیمی ائد‌رک، اورتاق سرمایه‌لرله یئنی تکنولوژیلره چاتمانین ضرورتینه ایشاره ائد‌ن پزشکیان، بریکس بونیه‌سینده قورولان یئنی اینکیشاف بانکینین گوجلندیریلمه‌سی، یئنی عضولر قبول ائدیله‌رک سرمایه آرتیریمی ائدیلمه‌سی، بئله‌لیکله عضو اؤلکه‌لرین آلت یاپی ایشلرینه دستک اولونماسی لازیم اولدوغونو قئید ائتدی.
دونیانین قاباقدا گلن اینکیشاف ائد‌ن اقتصادلارینین میدانا جمهوریتی کیمی اؤلکه‌لرین یانیندا بو ایل ایران، مصر، اتیوپی و بیرلشمیش عرب امرلیکلرینین قاتیلماسییلا عضو ساییسی ۹ اؤلکه‌یه چیخان بریکس، اوکراینا ساواشیندان سونرا غربلی اؤلکه‌لرین روسیایا ایستیقامتلی تحریملری سببی ایله سون ایللرده داها چوخ گونده‌مه گلیر.
