غزهده اوشاق فلجی واکسیناسیون ایکینجی مرحلهسی باشلاییر
ایسراییلین هوجومو آلتیندا اولان غزه زولاغیندا اوشاق فلجی واکسیناسیونونون ایکینجی مرحلهسی بو سحر باشلاییب.
ایسراییلین هوجومو آلتیندا اولان غزه زولاغیندا اوشاق فلجی واکسیناسیونونون ایکینجی مرحلهسی بو سحر باشلاییب.
دونیا ساغلیق تشکیلاتینین وئردیگی آچیقلامادا بو گوندن اعتباراً غزهنین مرکزی حیسهسیندهکی بؤلگهلرده اوشاق فلجی واکسیناسیونونون ایکینجی مرحلهسینه باشلانیلدیغی بیلدیریلیب.
آچیقلامادا واکسنین وورولاجاغی یئرلرین خریطهسی ده پایلاشیلیب.
بمت-نین یاخین شرقدهکی فیلیسطینلی قاچقینلارا یاردیم و باریندیرما آژانسی (آنروا) مسئله ایله باغلی وئردیگی آچیقلامادا، واکسن لرین بوتون اوشاقلارا چاتدیریلماسی اوچون طرفلری موناقیشهلرده اینسانی فاصیلهیه رعایت ائتمهیه چاغیریب.
فیلیسطین ساغلیق ناظیرلیگی آوقوستون 16-دا غزه زولاغیندا ایلک اوشاق فلجی حادثهسینین آشکار ائدیلدیگینی آچیقلاییب.
دونیا ساغلیق تشکیلاتی، فیلیسطین ساغلیق ناظیرلیگی و آنروا ایله امکداشلیق چرچیوهسینده غزه زولاغیندا 10 یاشیندان کیچیک 600 میندن چوخ اوشاغی احاته ائدن اوشاق فلجی واکسیناسیون کامپانیاسینا ایستارت وئریلیب.
سپتامبرین 16-دا بیرینجی تور باشا چاتیب و واکسیناسیون ایشینین 90 فایزه چاتدیغی بیلدیریلیب.
