ارمنستان عسگرلری تورکیه و ایران سرحدلرینده روس عسگرلرله وظیفه آلاجاق
روس سرحد گؤزتچیلری، ۱۹۹۲ده روسیا و ارمنیستان آراسیندا ایمضالانان آنلاشمایا گؤره، ارمنیستان-تورکیه و ارمنیستان-ایران دؤولت سرحدلرینین قورونماسی وظیفه‌سینی ایجرا ائدی
ارمنیستان میللی تهلوکه‌سیزلیک خیدمتی سرحد گؤزتچی بیرلیکلری، ۱ ژانویه ۲۰۲۵دن اعتباراً تورکیه-ارمنیستان و ارمنیستان-ایران سرحدلرینده روس سرحد گؤزتچیلری ایله بیرلیکده وظیفه آلاجاق.
ارمنیستان باش ناظیرلیک سؤزچوسو نازئلی باغداساریان، فایسبوک سوسیال مئدیا حسابیندان، روسیا دؤولت باشقانی ولادیمیر پوتین و ارمنیستان باش ناظیری نیکول پاشینیان آراسیندا روسیانین پایتاختی موسکوادا ائدیله‌ن گؤروشمه‌یه دایر شرح وئردی.
گؤروشمه‌ده انرژی، تحصیل و اینسانی ساحه‌لرده امکداشلیق مؤوضوعلارینین اله آلیندیغینی بیلدیرن باغداساریان، هله ده روس سرحد گؤزتچیلری طرفیندن ایجرا ائدیله‌ن سرحد قوروما خیدمتلرینده دییشیکلیگه گئدیلمه‌سی مؤوضوعوندا پوتین و پاشینیان آراسیندا آنلاشمایا چواریلدیغینی کؤچوردو.
باش ناظیرلیک سؤزچوسو، ۱۹۹۲دن بری روس عسگرلرینین ایجرا ائتدیگی ارمنیستان-تورکیه و ارمنیستان-ایران دؤولت سرحدلرینین قورونماسینا و سرحد کنترل نقطه‌سینده‌کی خیدمتلره ۱ ژانویه ۲۰۲۵دن اعتباراً ارمنیستان میللی تهلوکه‌سیزلیک تشکیلاتینا باغلی سرحد گؤزتچی بیرلیکلرینین ده قاتیلماسی مؤوضوعوندا آنلاشمایا واریلدیغینی ایفاده ائتدی.
باغداساریان، پایلاشیمیندا "ارمنیستان-ایران دؤولت سرحدینده‌کی کنترل نقطه‌سینده خیدمت ایسه تامامی ایله ارمنیستان جمهوریتی میللی تهلوکه‌سیزلیک خیدمتینه باغلی سرحد گؤز‌چی بیرلیکلری طرفیندن گئرچکلشدیریله‌جک" ایفاده‌لرینیدن ایستیفاده ائتدی.
سؤزچو، گؤروشمه‌ده پاشینیانین پوتینه ارمنیستانین "باریش قووشاغی" پروژه‌سینین آیرینتیلارینی سوندوغونو دا قئید ائتدی.
ایکی اؤلکه آراسیندا واریلان آنلاشمایا گؤره، زوارتنوتس بین الخالق هاوالیمانیندا روس سرحد گؤزتچیلری طرفیندن ایجرا ائدیله‌ن خیدمتلر، ۱ آگوست تاریخیندن اعتباراً ارمنیستان سرحد گؤزتچیلرینه تحویل وئریلمیشدی.
روس سرحد گؤزتچیلری، ۱۹۹۲ده روسیا و ارمنیستان آراسیندا ایمضالانان آنلاشمایا گؤره، ارمنیستان-تورکیه و ارمنیستان-ایران دؤولت سرحدلرینین قورونماسی وظیفه‌سینی ایجرا ائدیر.
