لبنان‌ین باش ناظیری اولوسلار آراسی یاردیمین آرتیریلماسینا چاغیریب
نجیب میقاتی ایسرائیلین اؤلکه‌سینه هوجومو نتیجه‌سینده اورتایا چیخان کؤچکونلوک بؤحرانی ایله باغلی بیرلشمیش میلتلر تشکیلاتی قورولوشلاری و یاردیم ائدن اؤلکه‌لرین سفیرلری ایله گؤروش گئچیریب
لبنان‌ین باش ناظیری نجیب میقاتی، ایسرائیلین هوجوملاری نتیجه‌سینده دیدرگین دوشموش غیرنظامی اهالینین اساس ائحتیاجلارینی چاتدیرماق اوچون اولوسلار آراسی یاردیمین آرتیریلماسینا چاغیریب.
لبنان‌ین رسمی آژانسی NNA-نین خبرینه گؤره، نجیب میقاتی ایسرائیلین اؤلکه‌سینه هوجومو نتیجه‌سینده اورتایا چیخان کؤچکونلوک بؤحرانی ایله باغلی بیرلشمیش میلتلر تشکیلاتی قورولوشلاری و یاردیم ائدن اؤلکه‌لرین سفیرلری ایله گؤروش گئچیریب.
ایجلاسدا بیرلشمیش میلتلر تشکیلاتی‌نین لبنان‌داکی اینسانی یاردیم مودورو عمران رضا، تشکیلاتین اینسانی مسئله‌لر اوزره هماهنگلیق اداره‌سینین نوماینده‌لری و بعضی اؤلکه‌لرین سفیرلری ایشتیراک ائدیبلر.
باش ناظیر میقاتی، لبنان‌ین تاریخین ان بؤحرانی دؤنوش نؤقطه‌لریندن بیرینده اولدوغونو ایفاده ائده‌رک، "ایسرائیلین آپاردیغی داغیدیجی ساواش سببی ایله تخمینا بیر میلیون اینسانین کؤچکون دوشدویو بیر واختدا بیر آرایا گلیریک" دئدی.
لبنان حؤکومتینین اولکی بؤحرانلاردا اولدوغو کیمی بیرلشمیش میلتلر تشکیلاتی قوروملاری ایله امکداشلیق ائتمکده قرارلی اولدوغونو بیلدیرن میقاتی، کؤچکون غیرنظامی وطنداشلارین اساس ائحتیاجلارینی تامین ائتمک اوچون چابالارین آرتیریلماسینا چاغیریب.
لبنان‌ین باش ناظیری میقاتی داواملی دسته‌گه گؤره بیرلشمیش میلتلر تشکیلاتی و عرب اؤلکه‌لرینه تشکور ائدیب.
