کرمان‌دا سئل نتیجه‌سینده ۱۵ نفر حیاتینی ایتیریب
ایران‌ین کرمان ویلایتینین جیرفت شهرستانیندا لئیسان یاغیشلارین یاراتدیغی سئل نتیجه‌سینده ۱۴-او افقانیستان وطنداشی اولماقلا ۱۵ نفر حیاتینی ایتیریب
ایران‌ین کرمان ویلایتینین جیرفت شهرستانیندا لئیسان یاغیشلارین یاراتدیغی سئل نتیجه‌سینده ۱۴-او افقانیستان وطنداشی اولماقلا ۱۵ نفر حیاتینی ایتیریب.
ایران‌ین رسمی خبر آژانسی ایرنا-نین خبرینه گؤره، کرمان ویلایتینین قیزیل‌آی باشقانی رضا فلاح، دونن باش وئرن سئل فلاکتی ایله باغلی بیلگی وئریب.
دونن جیرفت شهرستانیندا چایین داشماسی نتیجه‌سینده، چایدا اولان اینسانلارین خیلاص ائدیلمه‌سی اوچون ایشلره باشلانیلدیغینی بیلدیرن فلاح، "۱۳ ساعاتدان چوخ داوام ائدن آختاریش قورتارما ایشلری نتیجه‌سینده جانسیزلار ۱۵ نفرین جسدی تاپیلیب، اونلاردان بیری ایران، ۱۴-او ایسه خاریجی اؤلکه وطنداشی‌دیر" دئدی.
فلاح قید ائدیب کی، آختاریش قورتارما ایشلری نتیجه‌سینده ۲ نفر قورتاریلیب.
جیرفت فرمانداری احمد بلندنظر، چایدا حیاتینی ایتیرن اینسانلارین عائله‌لیکجه یاخینلیقداکی باغدا ایشلدیکلرینی، یویونماق اوچون چایا گئتدیکلرینی و لئیسان یاغیشلار نتیجه‌سینده چایین داشماسی ایله سو آلتیندا قالدیقلارینی بیلدیریب.
