غزه‌ده اؤلنلرین سایی ۴۱.۶۳۸-ه چیخیب
ایسرائیل اوردوسونون غزه‌نین چئشیدلی بؤلگه‌لرینده سون ۲۴ ساعاتدا حیاتا گئچیردیگی هوجوملاردا ۲۳ فیلیسطینلی داها حیاتینی ایتیردی
2193552
ایسرائیل اوردوسونون اکتبرون ۷-دن بری غزه‌ده حیاتا گئچیردیگی هوجوملاردا اؤلنلرین سایی ۴۱.۶۳۸-ه چیخیب.
غزه‌ده ساغلیق باخانلیغیندان وئریلن آچیقلامادا ایسرائیلین غزه‌یه ۳۶۱ گوندور هوجوملاری ایله باغلی بیلگی وئریلیب.
ایسرائیل اوردوسونون غزه‌نین چئشیدلی بؤلگه‌لرینده سون ۲۴ ساعاتدا حیاتا گئچیردیگی هوجوملاردا ۲۳ فیلیسطین‌لینین حیاتینی ایتیردیگی، ۱۰۱ نفرین ایسه یارالاندیغی بیلدیریلیب.
ایسرائیلین اکتبرون ۷-دن بو یانا حیاتا گئچیردیگی هوجوملاردا حیاتینی ایتیرنلرین سایی‌سینین ۴۱.۶۳۸-ه، یارالی سایی‌سینین ایسه ۹۶.۴۶۰-آ چیخدیغی قید ائدیلیب.
آچیقلامادا داغینتیلار آلتیندا و یول کناریندا هله ده اؤلنلرین اولدوغو خاطیرلادیلیب، لاکین ایسرائیل قووه‌لرینین مانعسی اوزوندن طیب قروپلاری و مولکی مودافیعه نوماینده‌لری جسدلره چاتابیلمه‌ییب.
