ایران‌دان بیروت سفیرینین یارالانماسی ایله باغلی گوترشه مکتوب
"ایران، لبنانداکی سفیرینین یارالانماسینا سبب اولان هوجوما بین‌الخالق حقوقا اویغون اولاراق لازیم اولان جاوابی وئرمه حاقینی محافظه ائتمکده‌دیر"
ایران، لبناندا سفیر مجتبی امانی‌نین یارالانماسینا سبب اولان چاغری جیهازلارینین پاتلادیلماسی هوجومونا بین‌الخالق حقوقا اویغون اولاراق لازیم اولان جاوابی وئرمه حاقینی محافظه ائتدیگینی بیلدیردی.
ایرانین بیرلشمیش میللتلر دائمی نماینده‌سی امیر سعید ایروانی‌نین لبنانداکی حادثه‌لر حاقیندا بیرلشمیش میللتلر باش کاتیبی آنتونیو گوترشه گؤندردیگی مکتوب یاییملاندی.
ایرانین، "قولدور ایسرائیل رژیمینین" لبنانداکی "تخریبات و ترور" فعالیتلرینی ان شدتلی شکیلده قینادیغی بیلدیریلن مکتوبدا، ایسرائیلین سؤزو گئدن حرکتلرینین بین الخالق حقوقو پوزدوغو و باریش ایله تهلوکه‌سیزلیگی تهدید ائتدیگی ایفاده ائدیلدی.
مکتوبدا، خصوصیله آمریکا بیرلشمیش دؤولتلری باشدا اولماق اوزره غرب اؤلکه‌لرینین، "رژیمه" دستکلری سببی ایله خطالی فعالیتلریندن ده مسئول اولدوقلاری ایفاده ائدیلدی.
"ایران، لبنانداکی سفیرینین یارالانماسینا سبب اولان هوجوما بین‌الخالق حقوقا اویغون اولاراق لازیم اولان جاوابی وئرمه حاقینی محافظه ائتمکده‌دیر" دئییله‌ن مکتوبدا، بیرلشمیش میللتلر باش کاتیبی و بیرلشمیش میللتلر تهلوکه‌سیزلیک شوراسینا ایسرائیلین ترور فعالیتینی قیناما چاغریسی ائدیلدی.
مکتوبدا، بیرلشمیش میللتلر باش کاتیبی تهلوکه‌سیزلیک شوراسینین، ایسرائیلین بؤلگه‌ده‌کی فعالیتلرینی ده شدتله قیناماسی لازیم اولدوغو ایفاده ائدیله‌رک، شورادان "ترور رژیمینه" قارشی لازیم اولان آددیملاری آتماسی ایسته‌نیلدی.
لبناندا ۱۷ سپتامبردا حزب‌الله‌ین ایستیفاده ائتدیگی چاغری جیهازی پاتلامالاریندا ۲سی اوشاق ۱۲ نفر اؤلموش، تخمیناً ۳ مین نفر یارالانمیشدی.
