حزب‌الله هوجوموندا ۵ ایسرائیل‌لی یارالانیب
لبنان حزب‌الله-ی وئردیگی آچیقلامادا، "غزه‌ده فیلیسطین خالقینین موقاویمتینی دسته‌کلمک مقصدی ایله" سرحد خطیندکی ال-مارج (مارقالیوت) بؤلگه‌سینده ایسرائیل عسگرلرینی سیلاحلارلا هدفه آلدیغینی و ضربه ووردوغونو آچیقلاییب
2189176
لبنان حزب‌الله‌ینین سرحد بؤلگه‌سینده حیاتا گئچیردیگی هوجومدا ایکیسی آغیر اولماقلا ۵ ایسرائیل‌لی یارالانیب.
لبنان حزب‌الله-ی وئردیگی آچیقلامادا، "غزه‌ده فیلیسطین خالقینین موقاویمتینی دسته‌کلمک مقصدی ایله" سرحد خطیندکی ال-مارج (مارقالیوت) بؤلگه‌سینده ایسرائیل عسگرلرینی سیلاحلارلا هدفه آلدیغینی و ضربه ووردوغونو آچیقلاییب.
ایسرائیل واللا اینتئرنت سایتینین خبرینه گؤره، هوجومدا ایکیسی آغیر یارالانان ۵ ایسرائیل‌لی هلیکوپتئرله حیفا شهریندکی خسته‌خانایا آپاریلیب.
یارالانانلارین غیرنظامی وطنداش و یا حربچی اولماسی ایله باغلی بیلگی پایلاشیلماییب.
او بیری طرفدن ایسرائیل اوردوسو لبنان‌ین گونئیینده حزب‌الله-ا عائید اولدوغونو ادیعا ائتدیگی بیر چوخ هدفه هاوا هوجومو و توپچو هوجومو تشکیل ائتدیگینی آچیقلاییب.
