ایسرائیل لبنان‌دا چاغری جیهازلارینی پاتلاتدی
لبنان حکومتی، چاغری جیهازلارینین (بی‌سیم و پیجر) پاتلادیلماسینی قینایاراق بونون "ایسرائیلین جینایتی و میللی اگمنلیگین پوزونتوسو" اولدوغونو آچیقلادی
ایسرائیلین لبنان‌دا نفوذ ائتدیگی چاغری جیهازلارینی (بی‌سیم و پیجر) پاتلاتماسی نتیجه‌سینده، بیری اوشاق ۹ نفر اؤلدو، ۲۰۰-و آغیر ۲۸۰۰ نفر یارالاندی.
لبنان ساغلیق ناظیری فراس العبید، اؤلکه‌ده حزب‌الله عنصورلارینین ایستیفاده ائتدیگی چاغری جیهازلارینین پاتلادیلماسی سببی ایله بیری ۸ یاشینداکی بیر اوشاق اولماق اوزره ۹ نفرین حیاتینی ایتیردیگینی، ۲۰۰ نفری آغیر تخمیناً ۲۸۰۰ نفرین یارالاندیغینی ایفاده ائتدی.
ساغلیق ناظیرلیگی، بوتون ساغلیق چالیشانلارینا، عاجیل خیدمتلرده‌کی "یوکسک سایی‌دا یارالی ایله" ماراقلانماق اوچون وظیفه یئرینه یئتیردیکلری ساغلیق مرکزلرینه گئتمه تعلیماتی وئردی.
ناظیرلیک، چاغری جیهازلارینین ایستیفاده ائدیلمه‌مه‌سینی ایسته‌دی.
لبنان حکومتی، چاغری جیهازلارینین پاتلادیلماسینی قینایاراق بونون "ایسرائیلین جینایتی و میللی اگمنلیگین پوزونتوسو" اولدوغونو آچیقلادی.
لبنان حکومتیندن وئریله‌ن شرحده، "قاتل ایسرائیلین هوجومونون لبنان‌ین اگمنلیگینین جدی پوزونتوسو و هر آنلامدا جینایت اولدوغو" وورغولاندی.
شرحده، لبنان حکومتینین "داوام ائد‌ن بو جنایتی ایله باغلی مسئولیتلرینی آلمالاری اوچون اؤلکه‌لر و بیرلشمیش میللتلرله سرعتله بوتون تماسلاری قوردوغو" ایفاده ائدیلدی.
لبنان حزب‌الله‌ی دا، اؤلکه‌ده منسوبلارینین ایستیفاده ائتدیگی چاغری جیهازلارینین پاتلاماسیندان ایسرائیلی مسئول توتاراق بو هوجوما جاواب وئرجگینی بیلدیردی.
لبنان حزب‌الله‌ی، وئردیگی یازیلی شرحده، "ایجرا ائتدیکلری آراشدیرما و اللرینده‌کی معلوماتلارین ایشیغیندا اؤلکه‌ده وطنداشلاری دا هدف آلان چاغری جیهازلارینین پاتلادیغی هوجومدان بوتونو ایله ایسرائیلی مسئول توتدوغونو" قئید ائتدی.
شرحده، ایسرائیلین "بو گوناهکار هوجوم اوچون ایستر گؤزله‌سین ایستر گؤزله‌مه‌سین حاقی اولان جزانی آلاجاغی" ایفاده ائدیلدی.
اؤلکه‌ده بعضی چاغری جیهازلارینین، صاحبلرینین اوزرینده ایکه‌ن پاتلادیغی آنلار سوسیال مئدیایا دا عکس اولوندو.
گؤرونتولرده، داشینابیلیر جیهازلارین سیگنال وئرمه‌سی ایله صاحبلری طرفیندن اللرینه آلیندیغی و بو اثنادا پاتلادیغی گؤرولور.
بو آرادا، ایران یاری رسمی خبر آژانسی فارسین آدی آچیقلانمایان بیر قایناغا دایادیغی خبره گؤره، پاتلامالاردا ایرانین بیروت سفیری اما‌نی ده یارالاندی.
اؤته یاندان، ایسرائیللی تهلوکه‌سیزلیک مسئوللارینین، ایسرائیلین لبنانداکی چاغری جیهازلارینا سیزیب پاتلاتماسینین آردیندان آرتان گرگینلیک سببی ایله "اضطراری ییغینجاغا" چاغریلدیغی بیلدیریلدی. لبنانداکی هوجوملارا باغلی ایسرائیللی رسمی مقاملارین سسسیزلیگی ایسه دقت چکیر. کان‌دا یئر آلان خبرده، باش ناظیرلیک اوفیسیندن ایسرائیللی ناظیرلره لبنانداکی پاتلامالارا باغلی شرح ائتمه‌مه‌لری مؤوضوعوندا خبردارلیق ائدیلدیگی ایفاده ائدیلدی.
