یمن و لبناندان ایسرائیله راکئت سالدیریسی
ایسرائیل اوردوسو یمن‌دن اؤلکه‌یه بالیستیک راکئت سالدیریسی ائدیلدیگینی آچیقلاییب.
ایسرائیل اوردوسو یمن‌دن اؤلکه‌یه بالیستیک راکئت سالدیریسی ائدیلدیگینی آچیقلاییب.
ایسرائیل اوردوسو سؤزچوسو طرفین‌دن وئریلن آچیقلامادا یمن‌دن آتیلان بالیستیک راکئتین اؤلکه‌نین مرکزی بؤلگه‌سین‌ده آچیق قورویا دوشدویو و سالدیری آژیرلرینین بیردن چوخ نقطه‌ده چالدیغی بیلدیریلیب.
بیلدیریلیب کی، اؤلکه اراضی‌سین‌ده ائشی‌دیلن پارتلاییش سسلری اؤنله‌ییجی راکئتلرین آتیلماسی نتیجه‌سین‌ده یارانیب و اؤنله‌ییجی راکئتلرین ضربه‌لری هله ده یوخلانیلیر.
ایسرائیل پولیسینین سؤزچوسو، ایشغال آلتین‌داکی اوردون چایینین باتی ساحیلین‌ده فیلیسطین تورپاقلارین‌دان اله کئچیریلن ایسرائیل یاشاییش منطقه‌سی مودین‌ده‌کی قاطار ایستان‌سییاسینین کسیجی راکئتلردن دوشن پارچا‌لارلا وورولدوغونو و مادی زیانا اوغرادیغینی بیلدیریب.
دیگر طرف‌دن، ایسرائیلین دونیایا آچیلان قاپی‌سی اولان بن گوریون هاوا لیمانینا یاخین لید شهری یاخینلیغین‌داکی آچیق قورویا راکئت پارچالاری دوشمه‌سی نتیجه‌سین‌ده یانغینین باشلادیغی بیلدیریلیب.
ایسرائیل فؤوق ا‌لعاده حاللار خیدمتلری سیغیناجاقلارا گئتمه‌یه چالیشارکن موختلیف شکیل‌ده یارالانان 9 نفردن کؤمک چاغیریش آلدیغینی آچیقلاییب.
ایسرائیل اوردوسو لبناندان اؤلکه‌نین شیمالین‌داکی یوخاری جلیله‌یه و ایشغال آلتین‌داکی قولان تپه‌لرینه تخمیناً 40 راکئت آتیلدیغینی، حادثه‌ده اؤلن و یارالانان اولمادیغینی آچیقلاییب.
