باکی‌نین ایشغال‌دان آزاد ائدیلمه‌سینین ایلدؤنومو

آذربایجانین پایتاختی باکی شهرینین قافقاز ایسلام اوردوسو طرفین‌دن ارمنی و بولشئویک قولدور دسته‌لرین‌دن آزاد ائدیلمه‌سینین 106-جی ایلدؤنومو موناسیبتیله باکی تورک شهیدلر قبیریستانلیغین‌دا مراسیم کئچیریلیب.

مراسیم‌ده تورکیه‌نین باکی‌داکی سفیری جاهیت باغجی، نیظامی آتشه ژنرال قاففار گؤرئن، شیمالی قیبریس تورک جمهوریتینین باکی تمثیل‌چی‌سی اوفوک تورقانئر، سفیرلیگین موشاویرلری، تورکیه‌نین قوروم و تشکیلاتلارینین نماینده‌لری، آذربایجان غازیلری و وطنداشلار ایشتیراک ائدیبلر.

دؤولت مارشینین و آذربایجان دؤولت مارشینین اوخوندوغو مراسیم‌ده سفیر باغجی شهیدلیک عابده‌سی اؤنونه چلنگ قویوب.

باغجی شهیدلیک دفترینی ایمضالاییب و شهید مزارلاری اوزرینه قرنفیل‌لر قویوب.

باغجی و اونو همراه‌لیق ائد‌ن شخصلر 20 یانوار شهیدلرینین دفن اولوندوغو شهیدلر خیابانینی دا زیارت ائدیبلر.

1918-جی ایل مایین 28-ده موستقیللیینی اعلان ائد‌ن آذربایجان 1918-جی ایل ایونون 4ونده باتومی‌ده عثمانلی ایمپراتورو ایله موقاویله ایمضالادی. موقاویله‌یه اویغون اولاراق آذربایجان ارمنی و بولشئویک قول‌دور دسته‌لرینین ایشغالینا قارشی عثمانلی حکومتین‌دن کؤمک ایسته‌دی.

او واختکی نیظامی ناظیری انور پاشانین 28 یاش‌لی قارداشی نوری پاشانین (کیللیگیل) سیلری ایله یارادیلمیش قافقاز ایسلام اوردوسونا باکینی و آذربایجانین دیگر ویلایتلرینی ارمنی و بولشئویک قولدور دسته‌لرین‌دن آزاد ائتمک تاپشیریلمیشدی.

قافقاز ایسلام اوردوسو 1918-جی ایل سپتامبرین 15ینده 30 ساعات‌لیق شیدت‌لی دؤیوشلردن سونرا باکینی آزاد ائتدی. باکی‌لیلار طرفین‌دن جوشقو ایله قارشی‌لانان عثمانلی عسگرلری شهرده گئچید تؤره‌نی کئچیردیلر.

قافقاز ایسلام اوردوسو باکی‌نین آزاد ائدیلمه‌سی اوغرون‌دا آپاردیغی موباریزه‌ده 1130 شهید وئریب.