ایسرائیل‌ده سایبرکشفیات بؤلومونون قوموتانی ایستعفا وئریب

ایسرائیل‌ده سایبر و دیجیتال کشفیاتین توپلانماسی و رمز‌ چؤزمک‌دن سوروملو اولان 8200-جو بؤلومه رهبرلیک ائد‌ن ژنرال یوسی شاریئل، 7 اوکتیابر 2023-جو ایلده حماس طرفین‌دن حیاتا کئچیریلن سالدیریلارا قارشی "اوغورسوزلوغونو" اساس گتیره‌رک ایستعفا وئردی.

ایسرائیلین دؤولت تلویزیونو کان‌ین خبرین‌ده بیلدیریلیر کی، ژنرال شاریئل ایستعفاسی باره‌ده باش قرارگاه رئیسی هرزی هالوی و نیظامی کشفیات ایداره‌سینین (آمان) رهبری ژنرال شلومی بیندری معلوماتلاندیریب.

ایسرائیل اوردوسو رادیوسو طرفین‌دن یاییم‌لانان ایستعفا مکتوبون‌دا "اوکتیابرین 7-سینده سحر ساعات 06.29-دا وظیفه‌می یئرینه یئتیره بیلمدیم" دئییب.

کان‌ین معلوماتینا گؤره، ایسرائیل اوردوسونون سؤزچوسو شریئلین ایستفاسی ایله باغلی وئردیگی آچیقلامادا 8200-جو بؤلومونون رئیسی اولان شریئلین تقاوده چیخماق ایستدیگینی قوموتانلیغا و اطرافینا معلومات وئردیگی و یاخین گله‌جک وظیفه‌سین‌دن آیریلاجاغی بیلدیریلیب.

2021-جی ایلده ایسرائیل‌ده سایبر کشفیات‌دان مسئول اولان 8200 سایلی بؤلومون رهبری اولموش شریئلین ایستعفاسی ایسرائیل نیظامی کشفیات قوموتانلیغین‌دا 7 اوکتیابر سالدیریلاری ایله باغلی ایلک ایستعفا دئییل. نیظامی کشفیات ایداره‌سینین رئیسی ژنرال آهارون هالیوا دا سبب کیمی اوکتیابرین 7-سینی گؤستره‌رک آوریلین 22-سینده ایستعفا وئریب.

اوکتیابرین 7-سینده غزه اطرافین‌داکی سالدیریلاردا اوغورسوزلوغا دوچار اولدوغو اوچون ایستئفایا قرار وئر‌ن هالیوا ایستعفا مکتوبون‌دا "قوموتام کشفیات بیرلیگی میسیونونو یئرینه یئتیره‌بیلمه‌دی. ساواش‌نین آغری‌سینی سون‌سوزا قدر چکه‌جه‌یه‌م. ایندی ایستییرم مسئولیتی قبول ائدیب، وظیفه‌می بیتیرمک ایستییرم"دئییب.