ایسرائیل غزه‌ده یئنه قیرغین تؤرتدی

ایسرائیل غزه‌ده بیر قیرغین داها ائتدی.

ایسرائیل ساواش طیاره‌لری، خان یونسون قربینده‌کی مواصی بؤلگه‌سینده یئریندن ائدیله‌نلرین چادیرلارینا ۳ موشک هوجومو تشکیل ائتدی.

هوجومدا ان آز ۴۰ آدام حیاتینی ایتیردی. ۶۰ فیلیسطینلی ده یارالاندی.

هوجومون شیددتی ایله بؤلگه‌ده ۹ متر درینلیگینده چوخور میدانا گلدی. ان آز ۲۰ چادیر یاندی. چوخ ساییدا آدام تورپاق آالتیندا قالدی.

مولکی مدافعه قروپلاری جنازه‌لری و یارالیلاری چتینلیکله چیخاردی.

ایسرائیل اوردوسو ایسه مواصی بؤلگه‌سینده حماس اداره مرکزینی هدف آلدیغینی ادعا ائتدی.

فیلیسطین مقاومت حرکتی حماس، ایسرائیلین ادعاسینی یالانلادی.

ایسرائیل اوردوسونون خان یونوسدا گئرچکلشدیردیگی قیرغیندا، چوخو قادین و اوشاق اولماق اوزره اونلارلا وطنداشین حیاتینی ایتیردیگی وورغولاندی.

ایسرائیل، غزه یولاغینین شیمالینداکی جبالیه موهاجیر دوشرگه‌سینی ده ووردو.

هوجومدا آرالاریندا اوشاقلارین دا اولدوغو۶ فیلیسطینلی قتل ائدیلدی، چوخ ساییدا آدام یارالاندی.