ایراندان آیلیق ۲۰۰ طیب باجیسی کؤچ ائدیر
ایران‌دا سون اۆچ ایلده طیب باجیلارینین کؤچونون گرادیئنتی آرتیب
تخمینا ۲۰۰ طیب باجیسی (پرستار) مینیموم امک حاقی (حقوق)، مۆعاوینتلر (مزایا)، آغیر و استرسلی ایش، پیس رفتار کیمی مۆختلیف سببلردن هر آی ایراندان کؤچ ائدیر.
"ایران طیب باجیلاری ائوی"نین باش کاتیبی محمد شریفی مقدم" ایران خبر آژانسی ایله صؤحبتینده بئله دئییب: تاسۆف ایله، ساغلیق ناظیرلی‌گینین طیب باجیسی ساحه‌سیندکی سیاستلری، طیب باجیلاری اۆچون چوخ امکان قویماییب. آز معاش، آز امکان، آغیر و استرسلی ایش و پیس رفتار طیب باجیلارینین کؤچ ائتمه‌سینه یول آچیب. طیب باجیلارینین کؤچ ائتمه‌سی ایله باغلی دقیق رقملر یوخدور، چۆنکی اونلارین هامیسی عینی کانالدان کئچمیر. الیمزده اولان بۆتون رقملر تخمین‌دیر، لاکین خسته‌خانالاردا گؤردویوموز بلیرتیلر هر آی ۲۰۰-ه یاخین طیب باجی‌سینین کؤچ ائتدیگینی گؤرسه‌دیر.
شریفی مقدم علاوه ائتدی: البته، بیر آیدا ۱۰۰، بیر آیدا ایسه ۲۵۰ نفر کؤچور. عۆمومیتله، سون اۆچ ایلده طیب باجیلارینین کؤچونون گرادیئنتی آرتیب. طیب باجیسی تشکیلاتینین رقملری ده طیب باجیلارینین کؤچ ائتمه‌ک اۆچون بو تشکیلاتدان آلدیقلاری تصدیقلره اساسلانیر. طیب باجیلاری تشکیلاتی، طیب باجیلارینین کؤچونون ایکی قات آرتدیغینی بیلدیریب.
شریفی مقدم، ایرانین بۆتون دۆنیا اؤلکه‌لری آراسیندا طیب باجیلارینین آلدیخلاری پول و معاش باخیمیندان سونونجو اؤلکه اولدوغونو، حتی آفریقانین ان یوخسول اؤلکه‌لرینده بئله بو وضعیتین اولمادیغینی وورغولایاراق دئدی: دیگر اؤلکه‌لر طیب باجیلارینی آرتیرماق ایسته‌ییرلر و بیز ایتیریریک. دونیا استانداردلارینا گؤره هر مین نفره ۶ طیب باجیسی اولمالیدیر. ایران‌دا هر مین نفر باشینا ۱،۶، بئلژیک ده هر مین نفره ۱۲ طیب باجیسی، گۆرجوستان و ارمنیستان‌دا دا هر مین نفره ۶ طیب باجیسی دۆشور.
