غزه‌ده اوشاق فلجی واکسنی کامپانیاسی باشلادی
غزه حکومتی غزه زولاغینین شیمالین‌دا و ایسرائیلین سالدیریسی آلتین‌دا اولان غزه شهرین‌ده اوشاق فلجی علیهینه واکسن کامپانیاسینا باشلادیغینی اعلان ائدیب.
غزه حکومتی غزه زولاغینین شیمالین‌دا و ایسرائیلین سالدیریسی آلتین‌دا اولان غزه شهرین‌ده اوشاق فلجی علیهینه واکسن کامپانیاسینا باشلادیغینی اعلان ائدیب.
حکومت مطبوعات اوفیسین‌دن وئریلن آچیقلامادا، اوشاق فلجی واکسنینین غزه شهری و غزه زولاغینین شیمالین‌دا تطبیقینه باشلانیلدیغی، ایسرائیلین واکسن کامپانیاسینا مانع اولان تطبیقلری ایله باغلی خبردارلیق ائدیلدیگی بیلدیریلیب.
بیلدیریلیب کی، اوشاق فلجی علیهینه واکسن کامپانیاسین‌دا منطقه اوزره 177 مرکزده 230 ساغلیق بریقاداسی، او جمله‌دن 81 سیغیناجاق مرکزی و 53 سیار بریقادا ایشتیراک ائدیب.
آچیقلامادا اوشاق فلجی واکسنینین غزه زولاغی و غزه‌نین شیمالین‌دا 1-10 یاش آراسی اوشاقلارا وورولدوغو و واکسنین بو ایکی بؤلگه‌ده 14 مین فیلیسطین‌لی اوشاغا وورولماسینین گؤزلنیلدیگی بیلدیریلیب.
آچیقلامادا واکسن کامپانیاسینین اوغورلا داوام ائتدیگی، واکسن کامپانیاسینین قارشی‌سینی آلماق اوچون ایسرائیلین بؤلگه‌یه یاناجاغین گیرمه‌سینه ایجازه وئرمدیگی، بو وضعیتین ساغلیق و اینسانی فلاکت ریسکی یاراتدیغی بیلدیریلیب.
آچیقلامادا رئییلیب: سؤزوگئدن یاناجاغین واکسن کامپانیاسینی حیاتا کئچیر‌ن طیب قروپلاری طرفین‌دن مرکزلرده و داشینما اوچون لازیم اولان واسطه‌لرده ایستیفاده ائدیلدیگی وورغولاناراق، "ایسرائیل یاناجاغین گیریشینی انگلله‌یه‌رک واکسن کامپانیاسینی سابوتاژ ائتمگی هدفلییر."
آچیقلامادا،
"ایشغال‌چی ایسرائیل اوردوسو یئنی‌دن غزه‌یه و شیمال بؤلگه‌لرینه یاناجاغین گیریشینین قارشی‌سینی آلیر و یاناجاق گیریشی تامین ائدیلمزسه، خصوصاً ده اوشاق و آغیر وضعیت‌لی چوخ‌لو خسته‌نین اولدوغو کمال عدوان و ایندونزی خسته‌خانالاری باش‌دا اولماقلا ایکی بؤلگه‌ده‌کی بوتون خسته‌خانالار و ساغلیق مرکزلری، 24 ساعات ایچین‌ده تامامیله سرویس وئرمکدن چیخماق تهلوکه‌سی ایله قارشی قارشیا بیراخیلیر." دئییلدی.
آچیقلامادا، "ایسرائیل اوردوسونون غزه زولاغین‌دا اوشاق فلجی واکسنی کامپانیاسینین و ساغلیق سیستئمینین فعالیتینین قصداً قارشی‌سینی آلدیغی وورغولاناراق، یئرلی و بین الخالق تشکیلاتلارین نظارتین‌ده اولان واکسن کامپانیاسینین موفقیتله کئچه‌جگی ایله باغلی ناراحات‌لیقلارین اولدوغو دئییلیب.
آچیقلامادا واکسن کامپانیاسینا مانع اولان ایسرائیل سیاستلری شدتله پیسلنیلیب، اوشاق فلجی خسته‌لیگینین یاییلماسی، واکسن کامپانیاسینین و ساغلیق سیستئمینین قارشی‌سینین آلینماسینا گؤره "آمریکا رهبرلیگی و ایشغال‌چی ایسرائیل" مسئولیت داشیییب.
بین لخالق ایجتیماعیته عنوان‌لانان آچیقلامادا "ساغلیق سیستئمینی هدف آلماغی دایان‌دیرماق و واکسن کامپانیاسینی آسانلاش‌دیرماق اوچون ایسرائیله تضییق گؤستریلمه‌سی چاغیریشی ائدیلیب.
