ایسرائیل لبنان-ا "هوجوم آددیملاری" آتماغا حاضیرلاشیر

ایسرائیل باش قرارگاه رئیسی هئرزی حالئوی، اوردونون لبنان-ا "هوجوم آددیملاری" آتماغا حاضیرلاشدیغینی بیلدیریب.

اوردودان وئریلن ببلگی‌یه گؤره، حالئوی ایشغال آلتینداکی جولان تپه‌لرینه سفر ائدیب.

حالئوی بورادا وئردیگی آچیقلامادا ایسرائیل اوردوسونون حزب‌الله-ا قارشی موباریزه‌یه و «دوشمن اراضیسینین» (لبنان) درینلیکلرینده «هوجوم آددیملاری» آتماغا حاضیرلاشدیغینی بیلدیریب.

حالئوی بونو قوزئی بؤلگه‌سینین، ائله‌جه‌ده جولان تپه‌لرینین ساکینلری اوچون تهلوکه‌لری آزالتماق اوچون ائتدیکلرینی مودافیعه ائتدی.

حزب‌الله طرفیندن ائدیلن آچیقلامادا ایسرائیل‌ین قوزئییندکی حربی مؤقعلرین و ایسرائیل عسگرلرینین ایستیفاده ائتدیگی بینالارین کامیکادزئه تیپلی پیلوتسوز اوچوش آپاراتلاری و راکئتلرله وورولدوغو بیلدیریلیب. هوجوملاردا هدفلرین تام دقیقلیکله وورولدوغو قید ائدیلیب.

لبنان‌ین ن‌ن‌آ خبر آژانسی ایسرائیل ساواش اوچاقلارینین اؤلکه‌نین گونئییندکی آیتئرون قصبه‌سینه تشکیل ائتدیگی ایکی آیری هوجومدا بیر ائوین تامامیله داغیلدیغینی بیلدیریب.