تورکیه‌لی فعال ایسرائیل عسگرلرینین آچدیغی آتیش نتیجه‌سینده اؤلدو
آمئریکا وطنداشلیغی دا اولان عایشه‌نور آیشئنور ائزگی ائیگی ایسرائیل عسگرلرینین آچدیغی آتیش نتیجه‌سینده باشیندان آغیر یارالاناق اؤلدو
نابلوس شهرینده ایسرائیل ایشغالینا قارشی گئچیریلن دینج نوماییشلره قاتیلان تورکیه‌لی فعال عایشه‌نور ائزگی ائیگی ایسرائیل عسگرلرینین آچدیغی آتیش نتیجه‌سینده باشیندان وورولاراق حیاتینی ایتیریب.
ایسرائیل اوردوسو اردن چایینین باتی ساحیلینده هر جمعه گونو گئچیریلن ایشغال علیه‌ینه اعتراضلارا موداخیله ائدیب.
آمئریکا وطنداشلیغی دا اولان عایشه‌نور آیشئنور ائزگی ائیگی ایسرائیل عسگرلرینین آچدیغی آتیش نتیجه‌سینده باشیندان آغیر یارالانیب.
نابلوس‌داکی خسته‌خانایا قالدیریلان ائیگی‌نین دونیاسینی دگیشدیگی آچیقلانیب.
حادیثه یئرینده ۳ فیلیسطین‌لینین یارالاندیغی آچیقلانیب.
ائیگی‌نین وورولدوغو آنین شاهیدی اولان ایسرائیللی فعال، بو حادیثه‌نین غزه‌ده باش وئرن سوی‌قیریمین بیر پارچاسی اولدوغونو بیلدیریب. او ایضاح ائتدی کی، ائیگی آچیق شکیلده هدفه آلینیب.
فیلیسطین تورپاقلارینین ایسرائیل طرفیندن ایشغالینا قارشی دینج و سیویل اوصوللارلا فیلیسطین‌لیلره دسته‌ک وئرن اولوسلار آراسی هم‌رایلیک حرکاتینین گؤنوللوسو، حوقوق مودافیعه‌چیسی عایشه‌نور ائزگی ائیگی فیلیسطین تورپاقلاریندا ایسرائیل قووه‌لری آتیشی نتیجه‌سینده اؤلن ایلک آمئریکا وطنداشی دئییل.
عینی حرکاتا منسوب اولان صولح فعالی راشل کوری ده ایسرائیل طرفیندن سویوق‌قانلیلیقلا اؤلدورولن آمئریکا وطنداشی ایدی.
راشل ۲۰۰۳-جو ایل مارتین ۱۶-دا فیلیسطینلیلرین ائولرینین سؤکولمه‌سینه قارشی چیخاندا ایسرائیل اوردوسونا مخصوص زیرئهلی بولدوزئر طرفیندن ازیلیب اؤلدورولدو.
الجزیره تلویزیونونون موخبیری، آمئریکا وطنداشی شیرین ابو عاقله ایسرائیل نیشانجیسینین باش ناحیه‌سینی هدف آلاراق اؤلدوروب.
شیرین اوزرینده «مطبوعات» یازیلمیش جکت ایله وظیفه یئرینه یئتیررکن قتله یئتیریلیب.
ایلگیلی‌لی خبرلر
ایسرائیل فیلیسطینلیلرین سیغیندیغی مکتب و مسجدی بومبالادی
بعضی اوشاق جسدلرینین باشلاری که‌سیله‌رک خسته‌خانایا گتیریلدیگی وورغولانیب
