غزه‌نین جنوب بؤلگه‌لرین‌ده اوشاق فلجی واکسن کامپانیاسی داوام ائدیر
بیرلشمیش میللتلر تشکیلاتی غزه زولاغینین جنوب بؤلگه‌لرین‌ده دونن باشلادیلان اوشاق فلجی واکسنی کامپانیاسینین ایلک گونون‌ده 160 میندن چوخ اوشاغین واکسن وورولدوغونو آچیقلاییب.
بیرلشمیش میللتلر تشکیلاتی (بمت) غزه زولاغینین جنوب بؤلگه‌لرین‌ده دونن باشلادیلان اوشاق فلجی واکسنی کامپانیاسینین ایلک گونون‌ده 160 میندن چوخ اوشاغین واکسن وورولدوغونو آچیقلاییب.
بیرلشمیش میللتلر تشکیلاتینین یاخین شرق‌ده‌کی فیلیسطین‌لی قاچقینلارا یاردیم و ایشلر اوزره آژانسی (آنروا) سوسیال مئدیا پلاتفورموندا آچیقلاما یاییب.
آچیقلامادا مینلرله فیلیسطین‌لی عائله‌نین آنرووا قروپلاری طرفیندن حیاتا کئچیریلن واکسنلر اوچون ساغلیق موسسیسه‌لرینه گئتدیگی بیلدیریله‌رک، دئییلیب: "غزه زولاغینین جنوب بؤلگه‌لرین‌ده دونن باش‌لانان اوشاق فلجی علیهینه واکسن کامپانیاسینین ایلک گونون‌ده 160 میندن چوخ اوشاق واکسن ائدیلیب."
آچیقلامادا غزه‌نین جنوب بؤلگه‌لرین‌ده دونن باشلایان واکسن کامپانیاسینین بو گون ده "مومکون قدر چوخ اوشاق واکسن ائدیله‌رک" داوام ائتدیریله‌جگی بیلدیریلیب.
ایلگیلی‌لی خبرلر
غزه زولاغیندا اؤلن‌لرین سایی 42 مین نفره چاتیب
غزه زولاغیندا موناقیشه‌نین گرگینلشدیگی بیر ایل عرضینده 41،9 میندن چوخ اینسان اؤلوب.
