ایسرائیل طوباس شهرینده بیر ماشینا سالدیردی
ایسرائیل اوردوسونون ایشغال آلتینداکی اردن چایینین باتی ساحیلینین قوزئیینده طوباس شهرینده حرکت ائدن بیر ماشینا هاوا هوجومو نتیجه‌سینده ۵ فیلیسطینلی گنجی اؤلدوردوغو بیلدیریلیب
ایسرائیل اوردوسونون ایشغال آلتینداکی اردن چایینین باتی ساحیلینین قوزئیینده طوباس شهرینده حرکت ائدن بیر ماشینا هاوا هوجومو نتیجه‌سینده ۵ فیلیسطینلی گنجی اؤلدوردوغو بیلدیریلیب.
فیلیسطین قیزیل‌آی جمعیتیندن وئریلن یازیلی آچیقلامایا گؤره، ایسرائیل اوردوسو اردن چایینین باتی ساحیلیندکی طوباس شهرینده حرکت ائدن بیر ماشینا هاوا هوجومو حیاتا گئچیریب.
هوجوم زامانی ماشیندا اولان ۵ فیلیسطینلی گنجین حیاتینی ایتیردیگی بیلدیریلیب.
ایسرائیل اوردوسونون دونن سحر ساعاتلاریندان اعتباراً غزه‌نین موختلیف بؤلگه‌لرینده حیاتا گئچیردیگی هوجوملاردا ۲۲ فیلیسطین‌لینین حیاتینی ایتیردیگی بیلدیریلیب.
غزه غیرنظامی اداره‌سینین سؤزچوسو محمود بسال سوسیال مئدیا پلاتفورمو تلگرام حئسابیندا مسئله ایله باغلی آچیقلاما یاییب.
بسال بیلدیریب کی، ایسرائیل غزه قوزئییندن گونئییندکی رفح سرحدینه قدر موختلیف بؤلگه‌لرده هوجوملارینی داوام ائتدیریر.
غزه‌نین قوزئی و مرکزی حیصّه‌سینده، جبالیا و نصیرات قاچقین دوشرگلرینده و رفح شهرینده ایتکیلرین اولدوغونو بیلدیرن بسال، ایسرائیلین هوجوملاریندا آرالاریندا اوشاقلارین دا اولدوغو ۲۲ فیلیسطین‌لینین حیاتینی ایتیردیگینی قید ائدیب.
