یوناندا دؤولت خستهخانالاریندا ساغلیق خیدمتلرینده جدی آخسامالار یاشانیر
بیر چوخ خستهخانادا پرسنل اسکیکلیگی، لوازیم اسکیکلیگی و کؤهنه اولان طبی جیهازلارین ساغلیق سیستمینه منفی تأثیر ائتدیگی وورغولاندی
یونانین سئلانیک و اورتا مقدونیه بؤلگهلریندهکی دؤولت خستهخانالاریندا ساغلیق خیدمتلرینده گؤرولهن پروبلئملرین قایغی وئریجی اؤلچولره چاتدیغی بیلدیریلدی.
یونان دؤولت خستهخانالاری چالیشانلاری فدراسیونو طرفیندن حاضرلانان راپوردا، سئلانیکدهکی آهئپا خستهخاناسی باشدا اولماق اوزره بیر چوخ خستهخانادا پرسنل اسکیکلیگی، لوازیم اسکیکلیگی و کؤهنه اولان طبی جیهازلارین ساغلیق سیستمینه منفی تأثیر ائتدیگی وورغولاندی.
ساغلیق خیدمتیندهکی پروبلئملرینین قایغی وئریجی سویهلره چاتدیغی وورغولانان راپوردا، سئلانیکین اهمیتلی ساغلیق قورولوشلاریندان آهئپا خستهخاناسیندا عملیات خانالارین یالنیز دؤردونون فعال وضعیتده اولدوغو، گئری قالانیندان طب باجیسی و لوازیم اسکیکلیگی سببی ایله ایستیفاده ائدیلهبیلمهدیگی ایفاده ائدیلدی.
بو وضعیتین عملیاتلاردا گؤزلهمه مدتلرینی ۱ ایل و اوزرینه چیخاردیغی ایفاده ائدیلهن راپوردا، پرسنل اسکیکلیگی سببی ایله مؤوجود ساغلیق چالیشانلارینین حدیندن آرتیق ایش گؤرمک مجبوریتینده قالدیقلاری ایفاده ائدیلدی.
راپوردا، "جیهاز اسکیکلیکلری و کؤهنه جیهاز ایستیفادهسی سببی ایله هم تشخیص هم ده معالیجه مدتلری گئجیکیر. بو دا خستهلرین حاقسیزلیغا اوغراماسینا سبب اولور. مدرن جیهاز احتیاجی ایسه هر گئچهن گون داها دا آرتیر" ایفادهلرینه یئر وئریلدی.
اورتا مقدونیه بؤلگهسیندهکی دیگر خستهخانالاردا دا بنزر پروبلئملر یاشاندیغینا دقت چکیلهن راپوردا، دؤولتین بو بؤلگهلردهکی ساغلیق قورولوشلارینا احاطهلی بیر اصلاحات تطبیقی و عاجیل مادی قایناق کؤچورمهسی لازیم اولدوغو وورغولاندی.
راپوردا، مؤوجود وضعیتین سورمهسی حالیندا ساغلیق خیدمتلرینین کیفیتینین داها دا دوشهبیلهجگی و خسته ممنونیتسیزلیگینین آرتابیلهجگی خبردارلیغی ائدیلدی.
ایلگیلیلی خبرلر
غزهده اؤلنلرین ساییسی 41 مینی کئچیب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.
