ایران، بریتانیانین تهرانداکی گئچیجی ایشلر وکیلینی خاریجی ایشلر ناظیرلیگینه چاغیردی
ایران خاریجی ایشلر ناظیرلیگینین آچیقلاماسینا گؤره، بؤیوک بریتانیانین ۳ ایرانلی شخص و بیر قوروما قارشی تطبیق ائتدیگی تحریملره گؤره بریتانیانین گئچیجی ایشلر وکیلی، ناظیرلیگه چاغیریلیب
بریتانیانین سون تحریملرینه جاواب اولاراق، ایران بو اؤلکهنین تهرانداکی گئچیجی ایشلر وکیلینی (کاردار) خاریجی ایشلر ناظیرلیگینه چاغیریب.
ایران خاریجی ایشلر ناظیرلیگینین آچیقلاماسینا گؤره، بؤیوک بریتانیانین ۳ ایرانلی شخص و بیر قوروما قارشی تطبیق ائتدیگی تحریملره گؤره بریتانیانین گئچیجی ایشلر وکیلی، ناظیرلیگه چاغیریلیب.
بریتانیالی دیپلوماتا معلومات وئریلیب کی، سؤزوگئدن تحریم قراری، بریتانیانین یئنی حؤکومتینین ایران ایله امکداشلیق و قارشیلیقلی فعالیت نیتینه ضددیر.
بؤلگهدکی اعتیبارسیزلیغین قایناغینین ایسرائیل اولدوغو و فیلیسطینلیلره قارشی تؤردیلن سویقیریمدا اینگیلیستان باشدا اولماقلا بعضی اؤلکهلرین ایسرائیل-ه دستهک وئرمهسینین بؤلگهده غیر-ثابیتلیک و اعتیبارسیزلیغین اساس سببی اولدوغو بیلدیریلیب.
بریتانیانین گئچیجی ایشلر وکیلی، تهرانین موضعینی اؤلکهسینه چاتدیراجاغینی دئدی.
دونن بریتانیا خاریجی ایشلر ناظیرلیگی، اوچ ایرانلی شخصی و تهرانین بؤیوک بریتانیا، ایسرائیل، عراق یمن و لبناندا ثابیتلیگی پوزان «دوشمنچیلیک» فعالیتی ایله مشغول اولدوغونو ادیعا ائدهرک، اینقیلاب کئشیکچیلری اوردوسونون قدس قووهلرینه باغلی ”واحد ۷۰۰» بؤلمهسینی تحریملر لیستینه داخیل ائدیب.
ایلگیلیلی خبرلر
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.
